海洋公園哈囉喂率先玩

yoyoyoyo~~ 星期五跟HUBBY還有家人去了海洋公園哈囉喂，
真是超級開心啊！忍不住跟大家分享一下，YEAHYEAH


大家可能會說：下～依家先9月尾，咁快就去哈囉喂？
就係咁早啦！因為阿E係AEON信用卡用戶，
7500分就得到25/9門票一張，換了超多張免費飛呢！
我也乘機取了兩張跟HUBBY率先試探一下囉！


我去過海洋公園哈囉喂兩次，
就是前年和今年，都是跟HUBBY，上年是去迪士尼黑色世界呢！


有了前年的教訓，我倆都準時5時半入場啦！

天光光，好無鬼氣氛呢！

但因前年只玩了3間鬼間，天光都要入去闖鬼啦！唔理LU

第一間入<魔大迎新夜>，
大佬！勁驚囉！裡面有咩都唔記得！
因為我一驚就合埋眼，拖到HUBBY實一實，成身勁出汗＞＜！





第二間入<通靈實驗室>，
我推薦大家一定要玩！因為有PART係獨立一人一格，
重要帶哂HEADPHONE望住MON，望望下因住有隻鬼係你後面，
真係好恐怖！雖然拖住老公，但最後就要放手！
點解？入去玩就知啦！HAHAHAAA


學鄭中基話齋：
越要驚就越要克服！大家記得玩<通靈實驗室>！


玩完兩間，
大家都覺得贊助商包場同早日子去是非常好！原因就是勁少人！
前年玩鬼屋每間至少排45分鐘，我重好記得有間排左我兩個鐘！
眼見人地買FAST PASS唔使排真係勁忟，
但今年就完全無，頭兩間只係排左幾分鐘！玩得真爽！


襯有大把時間，應該是六時多些，
去影相先！

那時<七彩昇空天地>還未開啟，就影相好了！

好鐘意依張相！應該是全晚最正常的～嘻嘻！



接著去＜亞洲動物天地＞，
第一次去，裡面好凍，消暑一流，
有大熊貓、小熊貓、娃娃魚及揚子鱷，


依隻熊貓訓得好得意啊！

入面唔俾開閃光影得唔太清楚，佢右手托住頭訓，
聽到唔少人話係假！擺個公仔係度！


抖完就玩第三間鬼屋<高街鬼屋>，
最驚喜係開頭，但入到去真係O左咀，
勁多鬼，入面做到唔錯，又係好驚！


沿路影：

小時候好驚紙紮公仔，大個唔驚LU。




玩完三間搵表妹佢地，佢地岩岩入場，
我地就已經玩完正門三間LU，
搭<海洋列車>過另一邊，

嘩～好靚啊！好有POLAR EXPRESS FEEL！
HUBBY你記得嗎？？？


車廂入面就麻麻啦，不過真係好快呢！3分鐘就到。
出到黎天都黑，氣氛好好多呢！



第四間＜鐵路驚魂＞，
室內排隊，無冷氣得兩把風扇，好焗，重排成20分鐘，
間鬼屋勁細又唔靚，2分鐘玩完。
踩到咁，還需要去嗎？



第五間＜東瀛凶舍＞，
入面好多鏡，都算有驚喜，
玩左五間開始唔驚啦，會留心睇佢設計佈局。


第六間＜13號差館＞，
最大特色係每人有個小道具，化身林正英，
其他就無咩特別。



至於鬼怪，我覺得今年少左好多鬼。

同左隻靚仔鬼影相！

佢個妝好得！


落山繼續玩，玩＜摩天輪＞，
哈哈，第一次同HUBBY玩咋！
影左好多相，不過HUBBY係咁扮鬼好樣衰，都係唔POST啦！


之後JOIN返表妹玩<滑浪飛船>，
勁開心，好耐無玩啦，前幾次黎都維修。
玩兩次，一次同HUBBY，唔濕，
第二次同表妹，四人玩勁重勁濕，不過真係好鐘意玩！


阿E準備充足，連食物都準備埋，真窩心！
食少少又同佢地BYEBYE，
因為我表妹嚇到喊，放棄玩鬼屋！


往集古村玩埋最後兩間。




第七間＜冥通中心＞，

唔知係咪岩岩玩機動抖一陣，
再入鬼屋更加好玩。
入面有戲院，幾個位都做得幾好，最重要係有驚喜。
FORUM話有朱古力送，但我無既？




第八間＜鬼域＞，

最最最期待的一間，嵐嵐說必定要玩！
入面真係好大好靚，逗留得最耐。
有LIFT搭有驚喜，出最尾會有隻鬼跟住，
我成日驚佢會嚇我，好百痴。



玩哂8間鬼屋先9點半，又影相！



個場真係好冷清，不過少人有少人好玩，我最憎排隊既

紅圈係鬼鬼。




夠鐘睇表演，

前年係排住隊無聊聽歌，
今年名正言順坐第一行，好舒服。


重俾職員邀請上台玩遊戲，

FUNNY！



玩完重有獎物：

好有特色，重會幻變呢！謝謝。



玩完GAME就到頒獎禮，
最鐘意最後一PART，睇相啦！

真係好正！MJ萬歲！


睇完SHOW慢慢行，搭扶手電梯又影好多相，
不過唔出得街，睇返都SWEET，HAHAAA



去玩<越礦飛車>，係我係OP最鐘意既機動。
睇我玩得幾開心！

大家變左大隻佬，嘻嘻。



返正門，今次搭纜車！

HUBBY又嚇我！扁哂咀。


明明成晚好開心，點知我差錯腳拗柴，超痛。
發脾氣，鬧HUBBY，諗返都好無謂。



好想玩<七彩昇空天地>，點知去到已經落閘！
非常唔開心咁走人。




最後錫返對方兩啖又無事，
情緒反覆得好可怕。。。。。。



食完宵夜過左HUBBY屋企訓交，
臨訓前你幫我按摩腳瓜同腳背，真係好貼心。




發夢扎醒左，收到PEGGY電話，
起身行幾步都痛，"吉吉"下，
同HUBBY& 佢MAMMY去飲茶，
實佢笑死又激死。



返黎又訓交，勁多電話響，
訓到8點醒，HUBBY又幫我按摩，按完無咁痛。
我要記底佢，因為你應承我會好錫我，唔準反口啊！
夜晚出MK，諗住食譚仔米線點知收左，
最後稻香打邊爐，由12點食到2點，好好味道。





老公送我回家，兩日兩夜都玩得好開心，YEAH！
今次哈囉喂之旅實在太成功，而且重有你係我身邊，
真係好快樂。




依篇ENTRY打左我3個鐘，3點打到6點，
係時候訓交啦～明天又有節目～BYEBYE**