♥ 滴管精華新寵 ~ Olecule

永久BLOG文：http://babyalpha.hk/olecule/
*此BLOG將正式轉到babyalpha.hk ，繼續與您分享美妝、保養、旅遊、飲食、愛情、生活記敘♥

做完CPS後係皮膚最佳吸收時刻，想把營養注入皮膚底層，當然要靠著細份子的精華液，當中最喜愛的莫過於滴管精華了~

以上只是一部份而已..... 常接觸醫學品牌的滴管精華，最近的新寵亦不例外，是來自英國醫學美容品牌的 Olecule 喔。

收到公關送來的兩枝保濕精華，剛巧FIT哂做 TREATMENT 後的補濕護理，忍不住收件後即刻試用!! 左邊是 Barrier Repair 右邊是 Soothing Moist ~ 簡單來說，1枝補水、1枝鎖水，配合起來達至持久的補濕效果。

先介紹 Soothing Moist 防敏水潤精華 ($580/30ML)，聽到「 防敏 」即刻心心眼，當然得個名係無用啦~ 現在習慣用任何護膚品前都會睇清楚主要成份及成份列表，一來敏感的話，都知自己點樣死法~ 二來產品WORK既，都會將成份記住，以後購買可作參考。跟大部份的補濕精華一樣， Soothing Moist 含有透明質酸，不過佢的份子便有所不同，如果有看過 ERICA
介紹水份精華的YOUTUBE片段大概會有印象份子大小對皮膚吸收的影響，其實大粒子可停留表皮層作保護；小粒子可入真皮層水潤底層，兩者同樣重要。另外佢加入十胜肽，可抗菌消炎；當然唔少得最受大家歡迎的維他命B5，促進皮膚新陳代謝啦。

質地方面，我覺得它跟常用的 B5 GEL 好似~ 都是水水的!! 而且好快便被肌膚完全吸收。

為加強補濕效果，下一步驟便來到鎖水啦~ 再黎 Barrier Repair 鎖水修護精華 ($560/15ML) 我真係食野唔做野，做野打爛野 (>.<) 轉過頭成枝精華倒在毯上，咁就無左1/3。。。(T.T) 都係放係雲石上拍照好......

成份含 Ceramide 磷脂質、Squalene 角鯊烯、 Fatty Acids 及 Cholesterol。

油淋淋的鎖水產品，唔吸收之餘重搞到成臉令立立。這枝雖然係油性~ 但質地比較輕身。而我的習慣呢~ 把兩、三滴精華液放在手掌輕按再印於臉上，不會直接塗喔，最後加強面頰或容易掉皮的位置，改善缺水。

用完塊面的確滑左~ 不過下巴仍然未見得人..... HAHA 順帶一提，在粒粒橫生的位置可放心使用 Soothing Moist ，消炎補濕都能加強粒粒治療呢。不過 Barrier Repair 便應小心注意嚕，我個人不建議塗得太厚，以防阻塞暗粒。要是你皮膚沒有粒粒問題，又想改善乾紋、缺水，恭喜你~ 兩者都可以安心使用了!

Olecule 的產品可在醫生診所及醫學美容院可以買到啊! 有興趣可以詢問代理 ( 電話：3105 1236) 有問題再問啦! (^__^)

加入我的FB PAGE~ 會有美妝心得、新品情報、網購分享及美食推介唷!