2009年8月29日 星期六

♥澳門遊 X 豪華威尼斯人之旅♥

終於有時間打澳門遊記喇!
趁有記憶要快點記錄一下, 要不然過多數天又忘了嚕!


其實今趟澳門之旅跟之前不同,
之前跟hubby都是去半晚或一整天就回來,
今次主要是嘆酒店,話到明嘆酒店,
當然要住BABY夢寐以求的威尼斯人酒店啦!
BABY一向鍾情歐陸式設計,特別豪華特別靚,
威尼斯人就岩哂我地啦,真係好開心!



我們早上11時就搭金光飛航去氹仔碼頭,
比較愛搭金光,因為船隻新,座位亦比較舒服,
到步後首要拎地圖,之後聽介紹後就去了CITY OF DREAMS,
中文叫新濠天地,內裡有CASINO、3間HOTEL(HARD ROCK&皇冠&君悅) ,
接著就去了CASINO內的金亭餐廳食BUFFET,
$128買一送一,連加一都是每位$75,好抵!
有雞有魚有蝦有飯有湯有點心有甜品有沙津,除左冷盤,其他食物都唔差!
咁既價錢當然不能太多要求,但一到步鬼咁肚餓又未夠鐘CHECK IN,
都係一個不錯選擇!


醫完肚就去拎飛睇天幕啦!






內容就唔講太多啦!
不過首次睇都覺得好精彩!重幾得意,
而且重係FREE,大家黎澳門記得拎飛睇啦!


睇完行過對面,

已經係威尼斯人嚕!好方便呢!


第二次來,依然覺得設計好靚好浪漫!



入西翼CHECK IN



好多人,大家都好心急呢!


幸好很多COUNTER,排數分鐘就辦手續,
遇著個靚女外籍姊姊,解釋得好詳細,好NICE,
我多口問可唔可以EXTEND,結果佢就幫我地由聽早11時EXTEND至下午1點,
可以訓耐些!HUBBY都讚我叻!YEAH!

之後就派了3樣野俾我地

HOTEL MAP - 威尼斯人真係好大!有MAP就不怕迷路^^
PASSPORT - 用作登記換回程船票&BREAKFAST/LUNCH BUFFET
KEY - 一人一張, CHECK OUT都會俾返作紀念


跟著就懷著極度興奮的心情入房啦!






















行行行,行左咁耐終於都到啦!好緊張啊!!


登登登登~~~



好大間啊!

大家都發哂癲,唔好笑我地啊!
因為我同HUBBY都係第一次黎,第一次住咁靚既酒店!

HUBBY開心到呢!
重話可以係度跳MOONWALK!HAHAAAA


張床好靚架~


兩層,有埋客廳!




可以坐係度睇雜誌電視


亦可以訓在床上看,好寫意!


就好似去左皇宮咁,真係好豪華好靚,嘻嘻~


浴室都勁大!

 



有企有浸

 




連泡泡浴都準備埋,十分細心。
還有系列LOTION,好香好滑架!


 



最唔滿意係個廁所,抽風系列好差,HUBBY食煙好臭!

 



 

結果我地係咁舒適既房間裡睇下電視訓下交,
勁HEA,HEA足兩個鐘就去酒店泳池游水,
個度無LOCKER無帶相機LU!
雖然有四個池,但原來好細好淺水,
同埋好多小朋友係到,根本游唔到,都係浸下曬下就算,
返房沖涼,抖多陣就搭的士去下環,原來都好遠啊!
鋪頭收哂都係周圍行下,重買埋宵夜返酒店食,嘻嘻
行去西灣湖畔,我諗個邊係高尚住宅區,屋都靚些,
去了亨利美心食非洲雞,睇書講食店好多年歷史,
亦係做非洲雞始祖,我咁鐘意食雞就一定要試啦!
食店環境唔錯,幾有情調,差不多八成都是外藉內地遊客呢!

非洲雞真係幾好味!漿汁點麵包一流啊!
無影相啦~大家睇OPENRICE介紹吧!




每本雜誌都會講,右下係條圍裙黎,客人都要著上身,好搞笑架!


食飽飽就影下西灣,
個景好靚,岩哂我同HUBBY拍拖漫步,
可惜我部美肌相機夜拍好麻麻,影得不太好呢!




又行行行,講下笑睇下其他酒店,
都唔記得去左邊間LU,最後就返酒店浸浴休息啦!


訓得好林,成10半點先起身,HUBBY就落去渢竹餐廳拎定LUNCH BUFFET籌,
好多人排隊,大家都想食LUNCH BUFFET RATHER THAN BREAKFAST LEI!
最後拎左一點半籌,趁有時間又去浸浴,真係好舒服~不過皮都甩。
1點夠鐘就要交房啦....真唔捨得!

第一次黎既感覺係最好,下次就無咁多驚喜LU!


返渢竹食BUFFET,雖然係PACKAGE FREE既,
但食物一點都不差!有各類新鮮魚生壽司,粉麵點心各類食物甜品都有,
係無生蠔無蟹,食物質素都好好,好過尋日CITY OF DREAMS好多,
同HUBBY都食到3點半,超飽超飽,HUBBY起碼食左5,6 ROUNDS!
好耐未試過咁FULL,起碼肥3磅!


食完又行下,
重大發現!威尼斯人DUTY FREE竟然有URBAN DECAY櫃!
不過只得散裝無SET,所以都無入手呢!


寄存行季再行過,去左泳池曬太陽,勁哂啊!
曬左成兩個鐘,一路曬一路驚黑,不過曬太陽真係好舒服,
重訓著左,發左個好搞笑既夢,HUBBY都笑我。


入夜後又周圍行,今次去了16浦酒店,都幾靚!
最後行去3盞燈荷里活餐廳食扒,個度都好多名人介紹過,
其實大家都未落格,所以淨係叫左個1個招牌牛扒餐,
再配酥皮魚翅湯,食物就中規中距啦,服務較差,應該不會再來吧!
最後返酒店拎行季就去碼頭了!


兩日一夜的旅程亦就如完結。




今次旅程無影太多人像相,合照都是自拍,
跟大家分享兩張,




化淡妝大家認到我嗎?






後記:
這趟澳門之旅真是很開心,
第一次跟HUBBY去旅行,有得住酒店就算旅行架啦!


希望快點再有下次旅行機會啦!
大家要開始儲錢LU!下次要搭飛機架!


錫錫


27 則留言:

  1. 淡妝都好令,清清O地有O架妹FEEL
    間房令爆,咪好貴? 幾錢晚?
    我都想一家人去玩下
    [版主回覆08/31/2009 01:53:00]又有架妹FEEL? 睇黎我真係厄得下人, 我去日本旅行都俾當地人以為我係日本妹架, 可能我眼細面長長又肥肥地啦 其實唔係好貴咋! 2個人計埋1程船票 (威尼斯人送回程&1餐BREAKFAST/LUNCH BEFFET) ABOUT$2000, 依個價錢係香港都住唔到咁靚啦, 所以我覺得都值架!

    回覆刪除
  2. 淡妝都好自然啊Baby 我都試過住過威尼斯人, 真係靚到爆!! 我個陣又係同你一樣咁興奮
    [版主回覆08/31/2009 01:54:00]多謝你啊KOEYBABE*** 嘻~好在你無笑我, 我地個陣真係好興奮, 成個大鄉里咁啊!

    回覆刪除
  3. 嘩! 間房咁靚o既??? 超巨呀!!!
    [版主回覆08/31/2009 01:59:00]佢間房有成7百幾呎, 真係好大!! 已經大過我屋企啦!!

    回覆刪除
  4. $128買一送一真係好低呀''
    你地玩得好鬼開心呀''
    個PACKAGE幾錢呀'? 等我炸下佢形先
    BABY你真係識嘆..一有時間就去浸浴''
    真係好周到呀''有埋LOTION''
    我上次見男友個呀哥影左相反黎同你個到一樣''
    原來係威尼斯人''好靚呀''
    [版主回覆08/31/2009 02:03:00]真係好開心架!!! 我個陣係JOIN SUMMER SPECIAL OFFER 做到8月底咋, 2個人計埋1程船票ABOUT$2000, (威尼斯人送回程&1餐BREAKFAST/LUNCH BEFFET) BTW, 我岩岩重留意到依幾日做優惠$1088++++2日1夜 不過就未計15%服務費同埋無船票&BUFFET, 如果食BUFFET就會貴我地少少, 不過都值得一去呢!! 我屋企無得浸MA! 所以都浸左2次啊~ 而且可以REFILL泡泡 有得玩泡泡 HAHA

    回覆刪除
  5. 你最後兩幅好似新婚婦人~好有好幸福既feeling.... btw,你幾時有時間俾base formula既gel俾我~.~幸福既少奶奶...
    [版主回覆08/31/2009 02:05:00]嘻嘻, 你TUM得我好開心囉~我都想做新婚婦人架 你聽日得唔得啊???? 我重未分裝架...因為未知你地幾時得, 唔知分唔分好,,,

    回覆刪除
  6. 我都好希望入住既威尼斯人酒店!! 我同媽咪成日講佢會話我千幾蚊不如去旅行xd 跟住就放棄左!不過見到d相真係好大好靚牙=) 價錢點牙!?有興趣可以同朋友走反1轉ma  xddd
    [版主回覆08/31/2009 02:08:00]我MAMMY都話千幾蚊可以去外地旅行.. 但我又覺得唔同囉!! 其實住威尼斯人都係想去嘆下享受下, 你話去日本台灣為左SHOPPING, 住既房間就梗係唔會成為首要考慮因素啦! 價錢其實唔係好貴咋! 2個人計埋1程船票ABOUT$2000, (威尼斯人送回程&1餐BREAKFAST/LUNCH BEFFET) 近近地去RELAX下都好啊!

    回覆刪除
  7. 有第一次,就一定有第二次,第三次..................嘻嘻!
    [版主回覆08/31/2009 02:09:00]我都希望係啊! 好羨慕你BF成日陪你周圍去.. 因為我BF係懶鬼, 今次佢提出去威尼斯人我真係好開心呢!!

    回覆刪除
  8. babe~~你同你hubby係lift入面既合照個張呢, 你hubby個樣好似唔同左咁~~hahah
    我覺得你扎起d頭個樣好靚靚呀 , 你皮膚咁好, 淡妝實襯你啦~~~
    我開始學影相喇, 希望遲d得閒個陣影多d相同你地share下啦~~haha
     
    我屋企d野, 講起都孟呀, d做野方式好唔得, 成日話改革, 改黎改去都改唔到, 所以我都想早走早著呀~~唉..... 
    [版主回覆08/31/2009 02:12:00]唉YA~ 因為個張RESIZE得大左, 搞到係YBLOG就自動變細變埋型啊  HAHAAAAA 我平時好少扎頭架! 但係太熱都頂唔順,,, 同埋我又無GEL髮過去..放出黎好嚇人呢! 好啊!! 我都想學下啊! 到時你要教下我啊! 我上年學校都有教, 不過唔記得哂啦 ~HAHA

    回覆刪除
  9. HAHA...都係果句~~~so sweet呀~ haha去澳門我都當旅行ga la :) ~~~~有機會我都會去多次 不過想凍d先去^^
    [版主回覆08/31/2009 02:13:00]多謝小知~ 夏天去旅行真係好難頂啊! 淨係想留係酒店邊度都唔想去....勁HEA 其實秋天春天去最正, 希望下年去到啦!!!

    回覆刪除
  10. 點會笑你喎我自己都係啦哈哈 因為我自己第一次去係 "哇.........呢到好大!!!好靚呀!!!!" 大鄉里程度不下於你地啦一定
    [版主回覆08/31/2009 02:16:00]係啊係啊! 我地由一入門口嘩到客廳再嘩出浴室, 諗返都好好笑! 講真, 我都係第一次住咁靚既酒店房咋! 而且佢重係普通級, 依方面同香港真係無得比!

    回覆刪除
  11. 香港地方細 邊有咁多地方做到咁grand 澳門除左衛生差d之外,其實其他地方都好值得去下!
    [版主回覆08/31/2009 13:14:00]無計啦! 香港都開發得九九十十, 想起grand d都無位! 不過我覺得澳門真係無咩地方行, 去2,3次都開始悶lu

    回覆刪除
  12. 間酒店真係好靚喎!! 搞到我都心思思想去住下TIM!!!
    [版主回覆08/31/2009 13:19:00]係啊! 外面都好靚~ 其實應該影多d相, 不過太熱提唔起勁!

    回覆刪除
  13. 2層的酒店房...真係豪華.... 你地package 咁買?.... 幾錢per head ?
    [版主回覆08/31/2009 13:26:00]我係join summer special offer 一間房咁買 2個人計埋1程船票ABOUT$2000, (威尼斯人送回程&1餐BREAKFAST/LUNCH BEFFET) 嘆返晚都好啊! 真係好開心呢

    回覆刪除
  14. 我星期二得~我番學番到12點幾就放~how about you?
    [版主回覆08/31/2009 13:32:00]我重未開學啊! 都可以俾你 我星期4晚會見到嵐嵐, 定係叫佢俾埋你??!

    回覆刪除
  15. 屋企有得浸我都唔會浸呀''d水都ok貴''哈哈'
    $1088包2人''@@
    [版主回覆09/01/2009 00:47:00]係啊! 一間房咁計, 不過$1088未計船票&15%服務費&唔包BUFFET, 計落應該同我個價差唔多LU

    回覆刪除
  16. 我一路睇一路忍唔住係咁嘩嘩嘩嘩嘩嘩嘩嘩~~~ 間房好豪好靚呀,見到都已經開心死我!!可以住一日就真係發哂達!! 睇黎你同男朋友lee個trip過得好relax好sweet bor~
    [版主回覆09/01/2009 00:46:00]係啊! 我同HUBBY都當去左皇宮, 之前考試出盡力, 嘆返晚都好啊! KAMANB搵日都去RELAX下啦!

    回覆刪除
  17. 我上次都係住e間 真係好靚呀
    但我呀媽話唔再去 去都唔去e間 真係幾貴下
    佢廁所真係唔好 冇抽氣 上次仲要湧水上黎
    間房個陣又得我1個 真係嚇死
    [版主回覆09/01/2009 00:45:00]HAHAA 湧水上黎咁搞笑. 無抽氣扇真係好唔掂啦! 要寫信叫佢裝返把啦 HAHAAAA

    回覆刪除
  18. 我過幾日都去macau
    我已經連續3年去macau on anniversay day
    幾時先可以去遠d呢
    [版主回覆09/02/2009 02:50:00]嘻~我記得你上年都係去澳門 唔知今年你有咩禮物呢!! 期待你的share 不過你地前排都去左tw, 總算有外遊啊! 我要下年先有機會啦>~~~<"

    回覆刪除
  19. Hi,
    $1088 package:
    include (威尼斯人送回程&1餐BREAKFAST/LUNCH BEFFET)??? Calvin
     
    [版主回覆09/02/2009 02:52:00]啊!!!!!! 你無睇我下面回應嘛....?????? 我係$1088後面寫得好清楚啦!

    回覆刪除
  20. 我覺得baby你淡妝都係好靚啊
    你地兩個人住係咁樣豪華的酒店一樣感覺更加浪漫,開心啦.....
    睇到你地的行程.....都覺得好正...^^
    2000有個咁開心的回憶都好值得啦..^^
     
    [版主回覆09/03/2009 02:00:00]多謝你啊yan babe, 每次你讚美我都非常唔好意思, 因為係我眼中, 你才是不折不扣的美人兒啊! 依個回憶真係好開心, 好值得紀念 現在看返d相都會甜笑呢!

    回覆刪除
  21. very sweet.... Actually as long as you two are deeply in love, it really does not matter where you two go. I love Macau because my parents fell in love there....and every year my parents would bring me visit there when I was a kid. You look great with very light make up..... I guess it is because you are truly pretty and that you are in love.
    [版主回覆09/03/2009 02:09:00]Thanks babe! There must be the romantic story to your parents. Macau is also a special place for me and my hubby. We went there three times for different reasons and especailly the first time was about the BIG conflict of our relationship. But finally, we solved the problem in there.

    回覆刪除
  22. 我都想搵日都去RELAX下..不過自己一個咩.... 唔似得你2人行咁開心呀
    [版主回覆09/03/2009 02:10:00]同朋友仔一齊都可以開心嘛! kaman b條件咁好, 梗係要慢慢揀個最好既

    回覆刪除
  23. 咁鬼靚,住一日真係唔多夠喉呀!
    [版主回覆09/03/2009 02:16:00]係啊! 有錢都想住多日~3日2夜就最好啦~~~~ 不過依家2日1夜都算係一個開心回憶 我都滿足架啦!

    回覆刪除
  24. 淡妝都好靚呀....
    你係边度book hotel.....我都好想去玩呀....
    [版主回覆09/03/2009 02:19:00]多謝ivy!! 我係油麻地旅遊book架! 個度最多酒店又最平!! 其實上威尼斯人官網都得~不過我驚填錯野就walk in好過啦 你都同你honey玩返晚啦

    回覆刪除
  25. 間酒店房真係好靚!!! 你係JOIN團??? 貴唔貴呀??
    你地好SWEET
    [版主回覆09/04/2009 01:33:00]多謝你啊*** 去澳門唔使join團, 自由團買酒店套票就得 我地兩個人玩2日1夜, 船票+房租+lunch buffet total $2000 你得閒都去下啦!

    回覆刪除
  26. 好正呀間酒店,之前都聽過我家姐話去澳門玩時住呢間酒店。而家睇完之後更加想快D去呀。。。。 不過點都係同自已另一半去開心好多!
    [版主回覆09/04/2009 01:34:00]你幾時去啊??? 間酒店真係好靚好大, 其實酒店外牆都好靚! 有d後悔無係個度影相>< 下次要補返先得!!

    回覆刪除
  27. 好耐之前去過呢間酒店lu ~...
    雖然靚係靚,但d 配套唔ok !! (不過佢依家已經改番... )
    [版主回覆09/11/2009 21:32:00]真係好靚! 但我好唔滿意佢個toilet, 抽風系統好差!!

    回覆刪除