2008年6月30日 星期一

4日3夜海上假期 - 台遊篇*

其實這次旅程的路徑是HK>TW>HK
第3日的早上船就會泊在台灣基隆港口

遊客可以自由選擇上岸與否, 只要準時3點前上返船就ok了

而我們當日就選擇自由行, 一早7點就出發啦
先到碼頭旁的7-11取回預先訂既牛爾DIY產品 好大樽 真係好抵
諗住去埋全家取書, 可是店員說還未收到!!!!!!! 好失望啊
之後買左早餐就搭火車轉捷運 約1小時車程就到西門町囉





↑ 購票機


↑ 車票 (車銀?!)


↑ 捷運上

9點去到咩都未開門, 雖然幾年前黎過但都唔認得啦
我地連地圖都無張 (原先以為基隆離台北好遠 沒打算去)
所以就摸熟環境先, 晨咁早街上只得幾丁友
可是也見到穿得很辣的台妹!! 超短熱褲// 緊身短裙
長度剛剛遮到pat, 上樓梯一定見到底底個款
不過樣子呢, 也不算很靚囉 可能我沒遇見卦
身材大多瘦/有胸就是 而且多數都會化妝
特別一提是台灣男女身高比例平均都高過HK!

哎ya, 扯得太遠了 返回正題!
後來就陪mammy去左買手信, 都是零食之類
之後就到我既重點!!!!!!!! 美妝品
我是去康是美>屈記>美華泰
因為遇到個香港人話美華泰遲開門
如果唔係我實去美華泰先架 個度買MJ有睫毛夾送
可惜我係屈記已經買夠啦 >~~<" !!!!!!

↓ 戰行品如下↓ :

↑ 牛爾DIY
眼GEL、 睫毛生長液、綠石泥毛孔緊緻面膜


↑ 廣源良
綠豆粉, 菜瓜水、敷面凝露
因為買唔到 廣良源意仁粉, 買左另一牌子
紅樽美肌飲品是贈品 超難飲!!


↑ 資生堂
MJ黎明眼影、眼影膏、睫毛液(BASE、增長、濃密)
INTEGRATE眉粉、膏彩(媽媽買的)
還有加插的CANMAKE3色眼影(家中那盒跌碎了)


↑ 我的美麗日記MASKand 
 4大盒:黑珍珠、紅酒(已遺失)、玫瑰、珍珠粉
6小盒: 薰衣草、黑珍珠、冰沁活氧、Q10


↑ 其他 自己看吧
買永和3美人純粹想知我之前在拍賣買的是否假貨
看包裝後發覺顏色有相異, 質地有待調查


買完about 11:45am, 就去左<飛天麻辣>食人生第一次既麻辣火鍋
上次台遊無品嚐已經心有餘悸啦!!!

大家睇睇!! 我們選了1半麻辣, 1半蕃茄
2面都好好味!! 好夠味~唔使再點醬油
不過麻辣真的好辣 舌頭都有跳動感覺
火鍋係任夾形式 都好多野食同算新鮮
重有橙汁/檸茶/雪糕/雪條/生果供應 食到超飽啊!!
也再次讚揚湯底* 因添加的湯底都是原味加上
即使我地話唔使加麻辣, 佢都加清湯而不像香港加滾水!
食得好滿足, 之後行多陣就搭車返去啦
因為趕唔切快車, 重搞到遲到
遲到都要係基隆康是美買多2大盒我的美麗日記 haha

最後返上船好好休息 預備晚上的船上派對囉

↑ 返船囉

後記: 雖然今次我台遊說不上什麼,
時間也太短 不過總算買到心水產品,
可是我也有3大遺憾

第1遺憾
訂唔到我的書, 分別kevin和的古小偉的彩妝書
我回港發覺, 其實書26/6凌晨就送到啦
後來我send e-mail給金石堂, 他給我的回覆就是

"很抱歉造成您的困擾…
為您查詢~您的書籍目前已送達指定的商店,

先前無法順利領取原因可能為:
門市人員交接班時未交接清楚,
導致值班的店員沒有仔細尋找,
今日與店員確認商品已在店內,
對於 讓您無法順利取貨,

造成不便之處,敬請見諒,謝謝。 "


我也不明為何店員沒找清楚就說沒有
真的氣死人!!!!!!!!!!!!!!!!!!!!!!

第2遺憾
雖然已在台購了心水, 可是我還是找不到/未有時間去的有:
kiss me的極長睫毛液、SANA睫毛夾、Jill Stuart產品、
花生染髮泡沫(這個是唔記得搵)

第3遺憾
回家後我發覺將1大盒10片裝的<我的美麗日記>玫瑰mask都漏在船上
啊~~~~~~~~~~~~ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
應該是執行李時盒mask碌入床下底睇唔到啊  張床係有塊布襟住
嗚嗚嗚


唉 話雖如此 這次台遊也是滿開心的體驗
台灣我會再來的!


2008年6月28日 星期六

4日3夜海上假期 - 海上篇*

我返來啦!!!!! yeahyeah~~

今個旅程實在非常開心 非常舒適
除了不停食食食, 就是每天去焗sauna和游水
船上有好多設施, 也有不同表演
也是第一次現場看韻律泳和吊環
超近距離 連帶自己也緊張起來呢

第3晚的船長派對也蠻難忘,
雖然沒有穿很grand的裙子, 也不像其他女仕帶得珠光寶氣
可是身處GALA DINNER 身份也變得高貴起來
也謝謝攝影師替我拍下美麗的照片 呵呵呵*

美食方面也不用說, 基本上在船上是不容許你有飢餓的機會
船上有國際自助餐和中、西餐廳, 另有自費的中、日、印度菜
我個人就最喜歡食中菜lu, 所以船長晚宴也選了中菜
( 其實原先想選日式架, 可是已經full了囉)
而且食物是任添加的, 單是當晚就吃了2大碗的蟹肉翅了

住方面我們選海景露台房, 價錢貴些但環境就好好多
而且享用的設施亦較多, 連GALA DINNER也能獨先選擇

好lu 詳情不說啦 看照片吧

↑ 這就是旅程上所住的酒店*

內裡的環境 ↓




↑ 另一邊的游泳池忘記拍照


↑ 好歎咁款* haha


↑ 我的房間


↓ 船長派對




↑ my mammy and me



↓ 船上的午、晚餐 (有些拍得不好就不上載了)



↑ 這個芒果布丁超好味!!!


↓ 船上閒拍




如果有去過<獅子星號>應發覺它們的設計很像
因為它們是雙子船來, 可是<獅>現已退役了

原先father*也一起去 可是公司有工程趕緊
臨時就取消了 >~~~< 

如無意外, 8月尾會再去多次
[目的地好像是海南島和越南]
希望下次可以全家出動*

多謝觀看 =]

2008年6月24日 星期二

為台遊準備

真係好大頭蝦 重以為係星期4出發
誰知周3晚就走喇!! 等我重大安旨意
今日下午才訂牛爾產品(少量)同2本美妝書
但未知可唔可以拎到
因我只會留係台灣基隆10小時, 可能唔夠時間又或者貨品未send到去
今次我主攻康是美同屈記, 想行美華泰但原來基隆無既

除左美妝品, 我都諗唔到係台灣可以買咩啦~
衫唔太靚, 食既又麻麻
不過依家掛緊8號 聽日去唔成都未定 >~~<
希望去到啦 哈哈

同埋今次我會以渡假relax為主既

臨走一晚去左hubby度
好開心&舒服 真係好耐無試過lu
明天等老公拎部NDSL俾我 yeah~~

2008年6月23日 星期一

輕鬆周日

大家有發覺我逢周日也不會打blog嗎?!
哈哈 沒辦法啦 這是我每星期唯一真正的休息日
當然不會留待家中啦!! hahahaa

每到周6的時候總是超累~
上班時累到睡著了, 連別人找我也聽不到
好笑係同事叫醒完我無話不得止,
重叫我繼續訓 .... 哈哈 不過都無訓返啦
因為會聽唔到叫聲以為是發夢的畫面  *囧*
之後原打算和表妹去swimming 不過佢未黎完m啊!
唯有遲些先囉

昨天就到hubby的家中, 下午和hubby、他爸爸去飲茶
這個配搭好像滿奇怪喔 呵呵
同老公玩玩下變打架 唉 我好驚你有日拎把刀斬我 *哼*
隔一陣又乜事都無 我真係大方 *嘻*
回到家中 又睡到死豬咁 哈哈
在我好眼訓既時候請不要打擾, >>會變薑餅人 =]
haha 同老公講俾我訓到6點 ....7點..... 最後差唔多10點先起身
因為老公都訓著左 無咁好氣叫我lu
叫醒完hubby出左去打機 hubby幫我開左heat project既account
見hubby咁著迷我都想試下, 不過現階段係死廢狗   *密語*
係咁死 殺得好少人咋!!!!!!!
得閒要去hubby度練下先 不過我係唔會去網bar打機架!!!


同hubby宵夜打冷 無哂豬紅都無胃口喇
食完回家 咁就一日!



2008年6月20日 星期五

Fantastic Friday *=V=*

連續2 天都見到hubby
超級開心啊!! 呵呵呵

尋晚又去左hubby屋企dinner
次次食完無耐就訓 想唔肥都唔得啦!
不過真係好舒服 有老公係身邊訓得好甜

今日放學同表妹出太子
換返對鞋, 重俾我發現加左價, 2對貴左$30

係卓悅買左妝品工具

平時用開麗的(2盒送牙膏), 見咁多sis推三大就買盒試囉


還有想買好耐既eyelash curler





同埋2條黑/米白雪紡暗波點底裙 我好鐘意架
1來少見暗花波點,2來佢前面個花已經好靚, 襯牛仔褲已經好睇
雖然係淘寶既4倍價錢, 但始終鐘意依款多好多

夜晚同阿e佢地食KFC
再夜些就同hubby &佢朋友仔去睇<新變形俠醫>
mov

好耐都無試過一行7人睇啦 好熱鬧
套戲超好睇 睇到好緊張 要捉住hubby隻手
最後明顯鋪路拍續集喎! 係既我一定棒場
睇完戲好開心 佢地去打機 我就同卓軒GF傾計
都係岩岩先知佢叫JOEY~ 我地交換埋手提
佢重講左有關hubby既野俾我聽tim ar!!!!! ^"^ 
最後一齊食宵夜 hubby就送我回家

今日過得好好 又買野又睇戲
最開心係見到hubby and佢朋友仔

2008年6月19日 星期四

網上購物

這幾天工作得好悶..
雖然時間過得快, 但不停上網都上到厭
亦因為non-stop 上網, 係咁online shopping

昨天搞個淘寶網, 這是中國出名既網上購物平台
裡面有好多平貨執, 好多yahoo拍網既衫都係出自佢地
其實一來一回真係好好賺
本身我都睇中幾件one piece
但諗深一層, 雖然平但款式亦唔係話好靚質料亦存疑
咁點解我要搞咁多野去買幾件OK平但普通款/料既衫呢?!
最終都係放棄左

其實我平時上網都係買有牌子既make up/skincare多
一來網上價會平些, 二來真的很好方便
足不出戶貨品直到我手, 岩哂少抽時間行專櫃/妝店既我
而fashion既話, 我就多數係樂天
睇岩就搵代購, 因為好多都唔直送HK架
不過因為代購費貴, 我多數趁減價或者買細牌子野
因為大牌子既係香港買都得啦 雖然款式舊d亦貴d

而hubby就最鐘意睇zozo
佢依1,2年已經無係HK買過衫啦
全身都係搵zozo咁滯
又或者係拍網搵現貨
之前我條hysteric belt都係yahoo搵返黎
seller好nice又連貼紙/紙袋 好靚架

所以話呢 網上真係一個超級平台黎
單係online shopping都不知敗了多少人的$$


不過其實我好羨慕日本人架
佢地係屋企已經買到好多平/貴價fashion
而且make up減價重很平!!!
之前見HR的王牌睫毛液都係百多元
可能HK都有, 但始終人地係shop, hk網拍唔係
保障大好多, 我見hk有好多假mac假bb 人地邊會架
就算係台灣都有payeasyPC home 而香港就只有拍網比較盛行
最大原因都係HK市場太細啦 ...
唉 如果樂天/zozo/payeasy肯受香港人玩就好了!!!!!!!!
不過到時 大家一定敗到流血不止吧!


2008年6月17日 星期二

他們一定有報應的!!!!

個心好痛

剛在網上看到一段疑似強姦的片段
我沒有認真看, 只在飛畫面
當聽到那女人的掙扎聲個心就拿一拿
那班男人真係禽獸黎!!
點解可以咁做架?????佢地個良心去左邊
當我以為別人也應該有同感時,
我看到的回覆竟然是"好正", "我都好想試"
好驚訝香港人竟然會這樣無情
回想之前香港人熱心捐款救災的畫面
還一樣的身份嗎??



依家個心真係好唔舒服, 唔知個女仔最後會點
希望佢可以盡快平撫心情 忘記痛楚

2008年6月16日 星期一

加油唷!!

昨日過了hubby家中
一齊睇神探, 故事唔錯但沒預期好看
睇睇下好累睡著左 hubby就落街買外賣
食完又好累再訓啦.... 嘻嘻
晚上老公和我一齊出去搭車,
我去紅磡, hubby就返灣仔食飯

今晚係7B聚舊日子~
無見大家咁耐有幾個已經唔記得名字
真係貴人善忘~~ 哈哈
yo park環境唔錯 又多新歌
不過野食就得好少~
唱到12點幾就到阿4走先啦
因為要趕返屋企同老公傾埋interview既野
同埋自己都好累啦 成個星期無停過 鐵人咩
最後都搞到3點幾先訓 ..

今天返工勁放蚊 超累超累
下午老公*飛*過黎搵我 哈哈哈
去左吉野家食lunch 龍翔中心間吉野家真係好味d...
之後陪hubby去G2000買西裝 for聽日interview用
我幫老公揀西裝同shirt衫 感覺做左人真老婆咁
hubby著西裝後頓時變得成熟  啜 好想錫啖佢!
最後搞到遲到13分鐘先返到公司 好彩無俾人鬧姐
今日成日都好忙, 其實工作量不多
但要幫老公手 做到我好累
放工後課習竟然勁恰眼訓 講講下野都訓著係咁中
可想言之我係好X累!!!


明天就到老公大日子啦!
雖然唔係幫到你好多 不過hubby咁醒目一定無問題既
我相信我hubby。。。。加油唷!!!!!

2008年6月14日 星期六

良朋舊聚(上)

這個星期很忙唷!!!

工作後到表妹家中食咖哩,
公公整的咖哩真係全世界最最最好味!!

之後回家中梳洗後, 獨自去血拼
不過只有1小時的購買時間
但收穫也不少啊!! 好開心
分別是NICE CLAUP的波點雪妨裙、2件碎花吊帶和1件內襯衣

起初買完雪妨裙就立即後悔,可是剛才沖涼後再試發現很喜歡!!
因為用上burberry絲巾圍成的belt作配合 效果就很特別啦
另外就是韓國的內襯衣, 用以心型圖案圍邊
極度配合我今季走公主風的style來囉


連日來的暴雨已令我上班鞋報銷了
因為限定黑色鞋 結果就買了這對黑色絹面(平底)
又因為太愛這對絹面蝴蝶結,又買多對桃紅色回來
其實還有寶藍、鮮黃和淺灰 真想全部也敗回來呢!


*別說我瘋狂購買, 我今季才買了2條裙而已

晚上和天麗,阿wing,阿4,嵐嵐,sasa聚舊食飯@朗豪坊
掛住傾計完全沒留意餐廳的名稱
不過食物也蠻不錯! 
那份芝士雞扒很好味! 價錢也不貴呢!!

之後影貼貼照 好耐無影啦!!

找到我嗎?! 哈哈哈


SASA和阿4走後,我們再到仙跡岩傾計
女人真有說不盡的話題
不過我有點不開心啦 為何沒人說我理性!!
um, 咁究竟點先叫理性呢?!


3點多啦 ....好累好累~ 拜bye*

2008年6月11日 星期三

豈有此理 (?!)

今天公司突然上唔到網!!!!!!

初頭以為是未交錢, 後來發現應是伺服器虧左

幸好不是賬單問題咋,因我負責寄票 到時實賴我啦!!

不過經過今日後, 深深感受得到寬頻的重要性

尤其係無野做時, 悶得我玩雙色接龍 =___="



hubby最近考試, 見得好少好少
最近一次都是hubby來找我食KFC 都係一陣咋
好在佢13號(!!)就考哂

到時就可以見多點 ....老公要努力啊!!!

老公在忙考試的時候, 我也忙預備考試
不過不是我的考試, 而是我的學生
3個小學生都在今個星期開始考試,
所以這幾天放工後也要替他們補一補
忙完這星期就可以大大放鬆lu

期待13號
期待14號與嵐嵐,阿4,SASA聚會
期待15號7B班會聚會
節目都排得一籮籮囉~ 我就是喜歡這樣!!!!!


p.s
返工後驚訝時間飛逝
轉眼就到6月中啦 我唔想個暑假咁快完啊
我重未去沙灘 未著比堅尼(哈哈) 未去踩單車
又未去台灣 連澳門都未去啊!!!!

What Your Little Black Dress Says About You?!

在MARIA看到這個~自己也玩了一把
都幾中喎~ 哈哈哈
>/>/>/ 把我推得真高貴






What Your Little Black Dress Says About You




You have a flair for the dramatic. You love attention.

You feel alive when all eyes are on you... and you definitely love to work a room.



Your style is glamourous, over the top, and luxurious.
You love to shop, and you have expensive taste.



If you were a shoe, you would be: Stilettos


2008年6月9日 星期一

試帶fake eyelash 和 MJ eyeliner BL444 報告

這兩晚都很夜才睡 ....
幸好今天是紅假, 能在家休息了一整天,
身體真的充電不少呢!!

現在都是等hubby來找我dinner (乖乖等待&gt;w&lt;)

最近baby都在研究帶假睫毛
對我來說, 難度有點高啦~
不過我相信是功多藝熟的!!! 加油~~
試帶的是koji的spring heart系列 03

屬於自然的纖長交叉系列


這是輕塗一層睫毛液後的效果
*但左右眼無故變成單眼皮?!*

不知大家留意到沒有, 當日我畫的是屬mj BL444的藍色眼睫毛液
顏色好搶~~成為baby最近的至愛!!!




這是上年推出的特別版
不過是否特別版的關係, 質地與本身的mj eyeliner都不一樣
這是水性比較高的, 相對下較難乾和難控制
而畫一層的效果是淡灰藍
畫兩層才達到寶藍效果
不過它亦有比原版mj eyeliner優勝的地方, 就是不易甩
有用過mj eyeliner的sis可能都試過眼頭位置會出現甩塊
但是這種就沒有出現這種狀況囉