2007年12月30日 星期日

好暖!!!!

中午同個細路補完習 就收到老公電話叫我去飲茶lu
嘻嘻 又兩口子去飲下午茶 好味好味
返老公屋企就訓交lu ....真係好凍啊!!!
訓左陣就起身溫書 ..明天考logic
不過溫左個半鐘都返返入被窩 老公重超好咁整暖個位俾我訓
好感動呢!!! 因為老公係超怕凍架!!!

晚上就去左打冷啦 好想去廟街食煲仔飯 最衰已經11點幾啦
1路食1路同老公傾計係咁講笑 感覺真係好好=]


回家路上都很寒冷 不過有老公緊握著我和他的zara冷衫 變得很暖唷!!
老公送埋我上去就走lu 唔記得俾返件冷衫老公tim!


好掛住 明天又可以見面喇!

依家要溫書啦

2007年12月29日 星期六

2007

07年 就快就過去啦
回顧返依1年 真係好大既轉變
 
讀書方面由學生妹到依家讀space
雖然返學時間係短好多 其實校園生活都係以前正好多
好懷念係孔仙洲柴娃娃既日子 真係好開心

但另1方面,這1年當我來說 其實真是大豐收
除左返過文員,識左新同學要面對新環境
最大既得著當然係同到老公1齊
重記得我地係生日時重遇返
當晚老公重陪左我過埋12點(即是情人節)
那晚送我回家後,老公還sms說我也算是他的小小情人
真想不到半年後,我們就走左1起啦 ...


黎緊既日子我想繼續做好自己
希望老公,良朋,屋企人都依然係我身邊錫哂我關心我
無論發生什麼事都好, 我也會在你們身邊替你打氣啊!!


祝大家08年都繼續快樂 繼續開心

2007年12月28日 星期五

拍照

又搞掂1科lu!! 哈哈 發覺自己越來越hea 根本不是讀書的!!
但科MB真係出得好淺囉 我要拎A架

老公好偉大 放棄中學同學聚會同我睇燈飾呢!!!

2個人係KFC食左1桶雞餐 好食得

咁岩睇到激光匯演(自由行!!!)

主角係影相@海港城囉
但由於太夜關係 上面排燈都熄左lu
不過都照影啦 哈哈






依張濛左囉!!!


年年海港城都整得好靚 但今年都係第1次認真咁影咋


開心。


2007年12月26日 星期三

聖誕。快樂

又delete左我篇日記 ...好仆街!!!!!

渡過了很浪漫的平安夜和聖誕夜

平安夜和老公到disneyland 好開心
大家都是初次到訪hk迪士尼 心情很興奮
玩了很多機動也看了很多表演 嘻嘻
影了很多合照唷  好靚靚
迪士尼附送的眼鏡 看在燈光下就會變出雪人 好過隱

晚上近距離看煙花 超迷人 看得我都醉了

欣賞煙花後就到disney hollywood hotel 食聖誕dinner buffet
老公book了2nd round 嘻嘻 食得好開心
完膳後行陣公園 就回老公家中lu

做最興奮的事 就是拆禮物啦!!!

老公買了我之前不捨得買 到想買又找不到那件earth music大衣給我
原來傻佬1早就靜靜雞買左 我好鐘意!!! 佢重係咁厄我係平野亂咁買
老公也很鐘意我份禮物 我都好開心啊!!!

攬住1齊訓真係好舒服

聖誕夜就和老公到the grand cinema看3D nightmare before christmas
係老公好叻咁1早book左靚位 因為場場都超爆
好好睇啊 聽住d歌好開心 好有氣氛 好好笑
完場後就係elements影下相 d聖誕樹好靚 又上左天台公園行下
就過左稻香打邊爐喇 好優閒傾下計講下笑咁打  好舒服
之後老公就送我回家喇 ..上車後才驚發漏左本怪誕城紀念冊係酒樓到
好唔開心 ...因為老公好鐘意架!!! 但係老公重不斷安慰我 =[


謝謝老公為我準備既1切 十分滿意 讓我感到很幸福
聖誕願望 你知道的 希望你會做到 我愛你。


boxing day和SU良朋見面 去了玩保令 N年無玩喇
第2局都有7X分 都有D安慰 哈哈哈
晚上富臨打邊爐 係4樓傾到2點幾先捨得走
大家都好多野講 等我考完試又要再聚過lu


post相先

24號的 =]

 haha



不同時段既城堡都好靚 ...上面張相係老公影架 好鐘意

 disneyland hollywood hotel


25號的 =]

老公帶上我的禮物 好襯

26號的 =]




迪士尼棒棒糖 so sweet




P.S 這是我親手弄給老公的聖誕樹和人仔薑餅


2007年12月22日 星期六

冬至

今日又係好開心
同我既良朋歡聚 幫sasa補慶返生日
參與成員有我,嵐嵐,阿4同sasa
去左cafe度傾計,講下大家既近況 時間過得超快
之後又影貼貼 好靚啊 !!! 我好鐘意
sasa同阿4都話我曲髮好睇d 真好
haha 真的似日本人嗎???? 搞笑







夜晚去左香港仔食飯 做冬
食到好忟 好悶 ....d餸又黎得耐!
之後同father送麻麻返去養老院
依家麻麻身體差左好耐 ..
行動下便唔可以自己照顧自己
雖然有工人睇住 但最後唔放心都送左麻麻入養老院
起碼24小時都有姑娘睇住 我地會放心好多
今晚麻麻血糖升左好耐 我地都擔心
因為今晚除左做冬,重係幫麻麻做生日
佢唔聽話食左好多野 最後結果真係超標左好多
姑娘都話咁高 可能 麻麻會訓訓下昏迷 叫我地要有心理準備
聽到咁真係好想喊 雖然我同麻麻個邊感情無咁深厚
但係聽到自己既親人好像快要離我而去 個心好痛好酸
father都話麻麻唔會捱得好耐 叫我多d過黎探佢
佢又講返麻麻後生既野 麻麻真係好叻
1手湊大9個仔女 重要自己1路做野1路養
依家佢個個仔女都好孝順 真係佢積落黎既福
即使現在百年歸老 佢亦會去得安心無掛

我唔敢望麻麻會突然變得好健康
只希望佢現在可以生活得舒服 唔好再受病魔帶來既痛苦



2007年12月21日 星期五

sweet sweet everyday

好多日無打blog啦 日日都very busy但又very happy!!
回顧下先~

19號又同珊珊去考試 考完行左陣德福
點知mr.right咁岩就打黎 重過來搵我
嘻嘻 真係好好=]
到夜晚等埋佢d fds放工就1齊去唱k
超開心啊 由1am唱到5:45am
又叫到成台都係壽司同小食  
今次係第1次同老公唱k 真係好開心
老公唱歌都幾好聽架!!!
最鐘意你唱風山水起 因為有"眉尾" 哈哈
到最後都係得返我同老公唱 男女仔歌都係咁唱
哈哈 同佢班fds都玩得幾開心 好鐘意依種感覺
唱完食埋早餐老公就陪我返黃大仙
重係4樓陪我等到8點先送我上去 超好=] 錫哂你!!!

老公對我真係好好 同佢1齊既感覺真係好sweet
好有安全感 而且同佢有好多野都好夾 佢亦會知我諗咩
令我覺得自己真係搵到適合既人 I love you ar bb

到20號訓醒就同tiffany出去行街 行名店 haha
任務係買聖誕禮物 結果係YSL買了囉 精挑細選的!!!
之後又係利時買了件靚靚衫 真係好鐘意
夜晚再過左婆婆到dinner 好卦住lily啊
係咁攬住佢鍚佢 好乖好抵錫

到今日就同嵐嵐出去
去左阿哥間salon 搵佢幫我整頭
我地好多年無見啦 哈哈
之後佢幫我電左 嘻嘻 嵐嵐話我似日本人=]
都有d唔慣 不過幾鐘意 thanks
夜晚同father dinner就返去睇tv lu 2妻時代個ending好爛囉!!!!

好想快d俾老公同良朋見我個new style tim!!
快d聖誕節啦 好想去玩!!!!!