2009年9月19日 星期六

GraceGift❤打破網購平鞋的定律 (**出讓一雙**)

最近GraceGift涼鞋做夏日大減價,
原本RMB2XX一雙減至RMB268 包郵兩雙再減至RMB98一 雙不包郵
所以也忍不住湊個熱鬧,購了三對回來,
而今天早上終於收到喇!就跟大家分享一下啦!


一回到家就收到下面的大箱子了!



紙箱、鞋盒和包裝袋都印有GraceGift品牌,
粉紅色又有蝴蝶結的,相信每個女生也會喜歡呢!


包裝得十分精美,令BABY以為自己買了高檔貨啦!




每隻鞋子都有獨立塵袋,還有一大包粉紅色的,究竟裡面是乜東東呢?








原來是名牌介紹、卡片、後踭貼、前掌墊還有精美環境袋,
適逢徵收膠袋稅,帶著環境袋出街也不錯啊!



讚美完包裝,當然要看看鞋子,基本上跟官網圖片是100%像真!
BABY下面會有對比照。

第一對出場是粉紅花花船踭竹籐涼鞋

實拍:





官網:








其實這對鞋好高啊!不過因為前掌也有高度關係,穿出來就不覺得很高,
不過這樣的甜美鞋,上身實在不宜太過GIRLISH,否則變成了LOLITA就不太好囉。



第二對是:淺牛仔布雙蝴蝶結涼鞋


實拍:




官網:





其實早在季初BABY已經看中這雙,
只是因為睇完又無所行動,拖到現在竟然超低價入手呢!嘻嘻

所以這對絕對是BABY大愛!我一向鍾愛蝴蝶結的鞋子,
這次牛仔布+雙蝴蝶結就是比較罕有的款式,實在沒有拒絕的理由。



第三對就是淺杏羅馬涼鞋

請各位留意,
我打算原價放這對出來,原因會在下面解釋,
大家可以先看圖片,合心水的才聯絡我吧!謝謝


實拍:




官網:









MODEL穿得很好看!可是換上我。。。。。。



雖然羅馬款的涼鞋實在很HIT,看到大家的介紹也是覺得非常靚,
但無奈BABY腳掌實在太闊,穿這種交叉編織的鞋款就自覺很奇怪,
原以為這對可能會好一點,可是試穿後還是過不到自己關口,
所以還是放出來好了。


這雙是39碼鞋,BABY一向穿開38或39碼,
大家看清楚才再考慮吧!





總結:
從這三對鞋子看出,
GraceGift的鞋子無論質料和款式上都是非常不錯,
而且最最最重要一點是實圖跟官網圖是沒差的!
完全可令消費者放心購買。

我不是賣廣告啦,只是真心認為BABY今次實在敗得很聰明,
每對只是百多元,還有精美腳墊和袋子那些,
比起資訊科技減價後也要3,4百元,而且料子也不及GraceGift上乘和包裝精美,
那以後BABY購鞋就有多個選擇嚕。


提提大家,現在GraceGift<$98涼鞋不包郵優惠>還在進行中,
不過款式鞋碼已經所剩無幾啦!
所以購買前記緊向客服詢問清楚才下標,以免付款後又說沒有又要換款或辦退款手續

很麻煩呢!


最後再講多次啦!
要是大家對第三對
淺杏羅馬涼鞋有興趣就聯絡我啦~

先聯絡先出讓,沒人要的話BABY就寄回去換款囉!THANKS!



今次分享到這裡,要忙著打MJ啦!BYEBYE

18 則留言:

  1. GRACEGIFT@@.....為什麼我沒有聽過.....咁抵著!!!
    [版主回覆09/21/2009 00:36:00]哈哈~~小知今次失威啦! 你去TB睇睇啦!!! HAHAAAA

    回覆刪除
  2. 第2對很靚啊, 不過好似無 platform... 好高甘... 你轉登買大少少 ? 如果 我本身是 37 號唔知又應該買幾多號呢...
    [版主回覆09/21/2009 00:40:00]著落又唔係好高咋! 我今日著左第對出街 佢後踭有做墊位, 前掌我會貼返原裝前掌墊(佢附送架!) 我諗我今日加加埋埋行左3個鐘啦 都唔痛!! 重好舒服啊! 我平時著it鞋/波鞋都係著38, 大陸鞋通常做細左就會買39, 因為我係第一次買GRACEGIFT, 加上我買個兩對都有扣 所以就算買大左都可以扣緊! 如果你腳掌唔闊又唔高, 我建議你買返正常SIZE就OK, 而佢有D鞋款係做左偏細, 官網都會講明的

    回覆刪除
  3. wow,,包裝真係好靚xd 好多粉紅色牙,, 蝴蝶結既魅力真係擋也擋不住呢
    [版主回覆09/21/2009 00:41:00]係啊! 每次見到蝴蝶結, 無論衫/鞋定手袋, 都會不其然咁望多幾眼!

    回覆刪除
  4. 好低呀''雖然依家羅馬鞋好hit..但我都係一對都冇買''
    此終not my cup of tea''穿得不好看呀'!!><
    呢個品牌好細心呀,包埋後踭貼、前掌墊+精美環保袋,值得一讚呀'
    [版主回覆09/21/2009 01:11:00]其實我都好鐘意第3對, 無奈我腳掌闊, 腳指尾下面有舊骨, 所以著依對時會突出左少少唔好睇>< 係啊! 我今日用左佢前掌墊, 都有點厚度, 送既講算係唔錯啊!

    回覆刪除
  5. 仲有得換款..真係好好呀''!
    [版主回覆09/21/2009 01:12:00]正價就有, 減價款我都唔確定, 要問下先~ 我諗如果無人要就自己著返或者送俾人啦

    回覆刪除
  6. 好抵著亦都好細心既一間網拍鞋店 btw, 三款鞋都好靚啊! 特別係第2對, 有蝴蝶結嘛! 我屋企已經超過十對鞋有蝴蝶結喇..哈哈
    [版主回覆09/21/2009 01:13:00]係啊!! 女生都愛蝴蝶結, 依對鞋唔只1個蝴蝶結, 而係有2個, 望住對腳有4個蝴蝶結, 行街都行得特別開心呢!嘻嘻

    回覆刪除
  7. 包裝同實物都好靚呀!!!
    仲要咁平添!!!!
    babe你成日都買到d又抵又靚既野既~~
    [版主回覆09/21/2009 01:15:00]其實一直都想買依個牌子, 估唔到今次減價後重有我SIZE, 我記得年初BOOTS減價都無哂我想要既款! 雖然第一次買, 但真係不得不讚包裝同實物!! 好過好多香港鋪頭啊!

    回覆刪除
  8. 我都鐘意呢對!靚丫!
    [版主回覆09/25/2009 12:29:00]依對重好舒服啊!! 未試過著超過3小時高踭鞋都唔痛架!

    回覆刪除
  9. RMB98就有一對??!!好平呀!!babyalpha你放火 好衰ga!!!
    [版主回覆09/25/2009 12:29:00]kamanb, 我睇到你飾物都著哂火啊!!! 下次預埋我啊!

    回覆刪除
  10. 嗯~~我都覺得佢各方面都好好, 真係物超所值呀!!!
    乜原來佢有boots賣架??我都好想買長boots呀!!!
    [版主回覆09/25/2009 12:30:00]有啊! 佢上年出左一對雙色BOOTS, 台灣BLOGGER吹到好勁! 好HIT架!!! 你去睇下啦! 不過BOOTS就無特價啦

    回覆刪除
  11. BABY的文我兩邊都要支持^^
    D鞋真係好靚靚啊.......大愛...下次入手LIST^^
    [版主回覆09/25/2009 12:32:00]多謝YANYAN! 下次入手完記得同我分享啊! 我最愛看靚女的文

    回覆刪除
  12. 我最鍾意係第一對...你隻腳原來甘大架! 嘻嘻!我著37架~
    [版主回覆09/25/2009 12:33:00]又有1個揀第1對啦~~HAHAAA 睇黎大家都鐘意GRACEGIFT STYLE 我平時著38, 但大陸鞋偏小就買大一碼啦! 我都想著37.. .自覺37係標準架!!

    回覆刪除
  13. 第一對好靚呀,高跟鞋真係好吸引, 可惜我唔著得高跟鞋
    [版主回覆09/25/2009 12:34:00]係咪著耐左會痛啊?? 我重衰, 著所有鞋都會痛, 反而高踭會好過平底 有時平底做得太薄著到好痛

    回覆刪除
  14. 對對都咁靚呀... 第3對你唔arm a?唔錯wor!!.......我都好鍾意~ e..我同你對腳應該一樣大wor!!hehe!~咁arm 既~ 唔知我有冇機會接收佢呢..hehe!~^^
    [版主回覆09/25/2009 12:34:00]你睇下有無興趣啦! 有就CALL ME啦

    回覆刪除
  15. <但無奈BABY腳掌實在太闊>.....此話何解??
    [版主回覆09/24/2009 18:41:00]等於我HUBBY係個屎忽囧!

    回覆刪除
  16. 係平左好多wo...
    仲要幾靚tim...
    [版主回覆09/25/2009 12:37:00]DORCAS都鐘意嗎?! 其實佢原價都唔貴, 不過特價買真係勁平又好著! GOOD BUY LEI!

    回覆刪除
  17. 我因為比較like 船踭 款..比較舒服.易於行路/..
    [版主回覆09/29/2009 01:17:00]船踭真係好行D, 不過依對都好高架! 係我最最最高既鞋啊!!

    回覆刪除
  18. ♡ Isabel ❤姬子 ♡2009年9月29日 上午8:34

    其實在網上買鞋,會唔會Size有偏差架?我之前都想買,不過怕Size不對才無買!不過網上的鞋會特別D~第一,第三對好靚!
    [版主回覆10/03/2009 14:22:00]其實就算街邊買鞋Size都會有偏差,只係網上無得試, 通常我會睇評價先買,又多數會買大1號

    回覆刪除