L'Arc~en~Ciel Trans ASIA via Paris

Block C第一行 

第一次去Arena睇conccert 好大但我唔鐘意

L'Arc~en~Ciel Trans ASIA via Paris

睇完啦!!!
high到爆炸 累到仆街

沒帶相機,在場人仕也不得攜帶相機
不過眼見仍有不少人偷偷帶入 ..

雖然只坐Block C 但比我相像中近
第一行(近中間)又唔使同人逼前 我同老公已經好滿意啦

全場爆左9成5,如果唔係bma hold哂d位一定唔會有位淨
fan層面極廣, 有日本有香港有泰國有賓賓有中國
年齡十幾歲至四、五十歲都有


遲左少少見開場 but never mind
1開始就唱get out from the shell 好型啊!!! 我不停尖叫啊 救命
全場9成9人都企哂跳哂 足足做左2個鐘運動
hyde好靚仔~keep得好好 皮膚又白又滑 件衫重好靚
全場拋眼飛吻又轉圈~簡直想羅我命
雖然老公企係我隔離 但我雙眼俾hyde吸住左
1秒都唔想放過

雖然我唔係super fans (我既baby就係啦!!)
但全場超過8成的歌曲我係識!
重要識唱返幾句~ 
新歌舊歌都有 如果唱埋neo universe就好啦
皆因我同hubby都超鐘意
全場大合唱真係好感動
見到hyde講"好正"講到有點眼濕濕 自己都想喊

4子輪住唱stay away, yukihiro個樣好怕醜 hahahaa
全晚氣氛都超好 未試過睇演唱會大家既反應咁熱烈
連坐山頂的都企哂跳哂 企已經難得 重要跳喎!!!!

中後段hyde跳左落台 俾個女fan攬住啊!!!!!!!!(妒忌)
佢地個個都有講廣東話 好得意
ken話隻雞同條魚啤住佢 hyde又話以後唔食皮蛋
真係笑死 ...hyde不停話好正 又叫我地跳啦
睇得出佢地都好enjoy
我諗我地都俾到個好印象佢 希望佢會再揀係hk開啦

美中不足是間場太耐 都有成5分鐘
於是過萬人玩人浪 重好齊 問你死未?


最後唱多2首歌就完結
我想這算是encore吧


真的很不捨 要等到2011年才有機會看他們20周年復出
老公說如果他們到時再來HK的話
一定會同我再睇~
我都希望 2011年可以和hubby再睇佢地
到時要排多半日 誓要買到block B甚至block A!!!


睇完就同hubby搭返E22回家

這是一個超快樂的回憶啊!!
原先只是陪hubby來看, 沒想到自己也被他們魅力吸引住
無看的朋友真蝕底!!