♥10月情意結♥ 全城哈囉喂十周年

永久BLOG文：http://babyalpha.hk/oceanpark-halloween/
*此BLOG將正式轉到babyalpha.hk ，繼續與您分享美妝、保養、旅遊、飲食、愛情、生活記敘♥

近排上載網誌的速度變慢好多，說起來真係有點慚愧。其實電腦放了極多未面世的照片，當中包括我人生最低落兼皮膚最差最不能見人的時候，看我要好好利用這3天的假期，跟大家好好分享一下囉。另外，自從有了IPHONE後，我UPLOAD微博的速度快左好多，有興趣UPDATE我消息，就快點跟我圍脖喇：http://t.sina.com.cn/babyalpha 等你唷！


回到正題：一到十月，唔使諗一定係萬勝節的天下！而HALLOWEEN所衍生的3大事最令BABY每年期待，當中包括：電影SAW 恐懼鬥室、海洋公園哈囉喂、迪士尼黑色世界。係架！無正日去蘭桂芳睇人扮鬼，全因我都不愛夜蒲。嘿嘿


今年又一如上年參加AEON HALLOWEEN NIGHT，謝謝家人送我兩張門票，包場夜實在太開心喇！

跟HUBBY5點半準時從正門入場，天都未光氣氛未算熱鬧，襯少人先玩海濱公園的3間鬼屋。

當中最令BABY驚喜，絕對係<<一人火葬場>>。唔似一般鬼屋拖實男友慢慢行，因為唔俾人陪之餘，重要訓住棺材咁玩，勁驚嚇!! 雖然過程只有數分鐘，但我真係驚到全程用手指縫睇野，感受被送往火葬場的恐怖，最尾更俾職員嚇一嚇，媽~~~~~我好想走啊！(又要驚...又要玩...依D咪係港女心態囉 嘿嘿)



襯時間尚早，坐纜車去高峰樂園。另一驚喜<<喪屍反擊戰>>又係必玩鬼屋，尤其鐘意打機玩BIOHAZARD，因為有機會俾你拿起「鐳射亡魂槍」殲滅喪屍，重可以即時知道分數。

就係依枝長搶喇!!

睇下我幾得戚?!!!!男友完全無眼睇......(哼!)



最後我得到580POINTS，HAHAAAA 好厲害!!!



玩完落返大樹灣，

那邊的2間大型鬼屋至少等候30分鐘，所以從大樹灣入口進場係著數好多，起碼早黎唔使排隊嘛。排隊時幸好有嘉年華戴歌戴舞，不過今年無扮MJ跳舞，換來3個男人扮女人(排頭行中間)，其中跳LADY GAGA及今年哈囉喂主題曲最為觀眾雀躍。



每年都有彭氏兄弟的靈異電影主題鬼屋，今年<<3D童眼>>比我想像中有少許失望喇，上年<<鬼域>>好玩好多。至於另一<<幽靈遊樂園>>，

入場時每人派玩具相機一部，用作拯救亡魂。起初還以為相機只係道具(即係假既...)，點知最後真係會計分，重可以PRINT返RECORD，

救左71個靈魂，屬EXCELLENT評級



玩完6間鬼屋後才不過8時48分，最後返上高峰樂園玩埋剩餘2間。跟上年一樣，高峰樂園鬼屋的驚嚇度不及大樹灣跟海濱公園，如持平民飛者大可考慮只玩上面提到的<<喪屍反擊戰>>。



雖然今年人數比上年多，但與10月黃金期比較下仍然兩個世界，至少跟HUBBY玩得哂8間鬼屋先。今年鬼數眾多，聽聞有440隻，見到咁多「鬼」氣氛極好，我沒跟鬼怪合照，佢地走得好快，加上DC仔夜拍好差，只有下面鬼照：

好搞笑!! 連包青天跟粵劇花旦都變成嘩鬼，行幾步就一隻，秒秒鐘都有「驚」喜。



後記：
話咁快就黎到OP 哈囉喂10周年，數數手指，BABY已經第3年參與其中，都重係HUBBY陪我。玩得咁上下就知咩位置有「嘩鬼」嚇人，只係當入到佈置及製作非常認真的鬼屋內，連個人氣氛都變得好緊張，嚇到尖叫不自覺跳彈，其實咁先夠過癮嘛！周不時聽到其他男生以「班鬼假架! 有咩好驚姐!」的心態鄙視女友，真係．．．．．鬼唔知阿媽係女人咩！=0="

永久BLOG文：http://babyalpha.hk/oceanpark-halloween/
*此BLOG將正式轉到babyalpha.hk ，繼續與您分享美妝、保養、旅遊、飲食、愛情、生活記敘♥