♥♥童年時真幸福♥♥公開我的小秘密

永久BLOG文：http://babyalpha.hk/vietnam/
*此BLOG將正式轉到babyalpha.hk ，繼續與您分享美妝、保養、旅遊、飲食、愛情、生活記敘♥

換掉櫃子時翻開好多兒時的照片，小時的我實確好好好幸福，我既係家中獨女又是大孫，大家總把最好留給我，收禮物都收到手軟，收過洋娃娃、大小LEGO、紅白遊戲機，甚至玩具玩反斗城的手提電腦等等。別人常認為獨女好悶，但我一點也不覺得！記得以前常常到處遊歷，一到暑假就不在香港，跟公公周圍飛周圍玩(去襯都係亞洲地帶..嘿嘿!)。也因為公公在越南有樓房，在那邊也渡過好幾個暑假。



歲半時第一次搭飛機，那時的機票比現在貴得多，一家人齊齊整整去旅行真係件好幸福既事。

兒時父母要工作，所以係公公一手一腳湊大我，重養得我肥肥白白。依份情，我無時無刻都記住，現在跟將來定要好好報答！

也因為兒時跟父母分開住(他們住隔離座)，關係比較疏離，好多心事都唔會同佢地講，直到這幾年才開始打開口窗。有時候看到朋友跟父母關係密切，也讓我羨慕呢。

拍照時常不為意「交叉腳」企，看照片才知，原來兒時已經有這樣的習慣，究竟係邊到學返黎呢？

媽媽常說我有「小朋友緣」，不知怎的好多小朋友都會主動痴埋我到，唔通我有一副「媽媽相」？

唯一一次做花女，滿身都係玫瑰花。那天我自覺靚到飛起，還記得身旁的朋友仔均報以羨慕的目光，其中有個重好唔抵得咁話：「你著成咁我地唔同你玩！」

小時候我已經極之貪靚，那時好興電曲髮，我不顧頭髮有多短，硬要把頭髮電曲(下圖)！

每次看回這輯照片都笑到噴飯，好鬼正!!!!

公公好型！我也不賴，穿高叉裙!!

我把秀髮真係無得頂啊!!!

婆婆在街上巧遇郭富城，即刻話個孫好鐘意佢叫佢簽名，其實我個陣淨係鐘意周慧敏！HAHA

 

依張太搞笑喇!!!! 不得不發!!

「黑猩猩大遇攣毛囧」！我極度相信影相個陣我係超！淆！底！





後來表妹出世，公公婆婆要幫手照顧，就減少跟公公外出旅遊的機會嚕。

雖然那時我土味十足，但這張合相拍得四口子好溫馨好幸福呢！好鐘意！\*^O^*/ 我表妹小時候眼碌碌兼白雪雪，說話又盞鬼，深得全家人既喜愛，直到現在我跟她的感情仍然好好的呢！(親親*)



時間真係過得好快，不知不覺我已經成為大人，尚餘不足一年便要全職投身社會，到時實有一大堆煩惱要面對(唉....)。縱使未來的路好漫長，但想著過往家人的悉心照料，也是時候學起乘擔責任了吧。



向自己說聲加油!!!!!共勉之****

永久BLOG文：http://babyalpha.hk/vietnam/
*此BLOG將正式轉到babyalpha.hk ，繼續與您分享美妝、保養、旅遊、飲食、愛情、生活記敘♥