2009年8月29日 星期六

♥澳門遊 X 豪華威尼斯人之旅♥

終於有時間打澳門遊記喇!
趁有記憶要快點記錄一下, 要不然過多數天又忘了嚕!


其實今趟澳門之旅跟之前不同,
之前跟hubby都是去半晚或一整天就回來,
今次主要是嘆酒店,話到明嘆酒店,
當然要住BABY夢寐以求的威尼斯人酒店啦!
BABY一向鍾情歐陸式設計,特別豪華特別靚,
威尼斯人就岩哂我地啦,真係好開心!



我們早上11時就搭金光飛航去氹仔碼頭,
比較愛搭金光,因為船隻新,座位亦比較舒服,
到步後首要拎地圖,之後聽介紹後就去了CITY OF DREAMS,
中文叫新濠天地,內裡有CASINO、3間HOTEL(HARD ROCK&皇冠&君悅) ,
接著就去了CASINO內的金亭餐廳食BUFFET,
$128買一送一,連加一都是每位$75,好抵!
有雞有魚有蝦有飯有湯有點心有甜品有沙津,除左冷盤,其他食物都唔差!
咁既價錢當然不能太多要求,但一到步鬼咁肚餓又未夠鐘CHECK IN,
都係一個不錯選擇!


醫完肚就去拎飛睇天幕啦!






內容就唔講太多啦!
不過首次睇都覺得好精彩!重幾得意,
而且重係FREE,大家黎澳門記得拎飛睇啦!


睇完行過對面,

已經係威尼斯人嚕!好方便呢!


第二次來,依然覺得設計好靚好浪漫!



入西翼CHECK IN



好多人,大家都好心急呢!


幸好很多COUNTER,排數分鐘就辦手續,
遇著個靚女外籍姊姊,解釋得好詳細,好NICE,
我多口問可唔可以EXTEND,結果佢就幫我地由聽早11時EXTEND至下午1點,
可以訓耐些!HUBBY都讚我叻!YEAH!

之後就派了3樣野俾我地

HOTEL MAP - 威尼斯人真係好大!有MAP就不怕迷路^^
PASSPORT - 用作登記換回程船票&BREAKFAST/LUNCH BUFFET
KEY - 一人一張, CHECK OUT都會俾返作紀念


跟著就懷著極度興奮的心情入房啦!






















行行行,行左咁耐終於都到啦!好緊張啊!!


登登登登~~~



好大間啊!

大家都發哂癲,唔好笑我地啊!
因為我同HUBBY都係第一次黎,第一次住咁靚既酒店!

HUBBY開心到呢!
重話可以係度跳MOONWALK!HAHAAAA


張床好靚架~


兩層,有埋客廳!




可以坐係度睇雜誌電視


亦可以訓在床上看,好寫意!


就好似去左皇宮咁,真係好豪華好靚,嘻嘻~


浴室都勁大!

 



有企有浸

 




連泡泡浴都準備埋,十分細心。
還有系列LOTION,好香好滑架!


 



最唔滿意係個廁所,抽風系列好差,HUBBY食煙好臭!

 



 

結果我地係咁舒適既房間裡睇下電視訓下交,
勁HEA,HEA足兩個鐘就去酒店泳池游水,
個度無LOCKER無帶相機LU!
雖然有四個池,但原來好細好淺水,
同埋好多小朋友係到,根本游唔到,都係浸下曬下就算,
返房沖涼,抖多陣就搭的士去下環,原來都好遠啊!
鋪頭收哂都係周圍行下,重買埋宵夜返酒店食,嘻嘻
行去西灣湖畔,我諗個邊係高尚住宅區,屋都靚些,
去了亨利美心食非洲雞,睇書講食店好多年歷史,
亦係做非洲雞始祖,我咁鐘意食雞就一定要試啦!
食店環境唔錯,幾有情調,差不多八成都是外藉內地遊客呢!

非洲雞真係幾好味!漿汁點麵包一流啊!
無影相啦~大家睇OPENRICE介紹吧!




每本雜誌都會講,右下係條圍裙黎,客人都要著上身,好搞笑架!


食飽飽就影下西灣,
個景好靚,岩哂我同HUBBY拍拖漫步,
可惜我部美肌相機夜拍好麻麻,影得不太好呢!




又行行行,講下笑睇下其他酒店,
都唔記得去左邊間LU,最後就返酒店浸浴休息啦!


訓得好林,成10半點先起身,HUBBY就落去渢竹餐廳拎定LUNCH BUFFET籌,
好多人排隊,大家都想食LUNCH BUFFET RATHER THAN BREAKFAST LEI!
最後拎左一點半籌,趁有時間又去浸浴,真係好舒服~不過皮都甩。
1點夠鐘就要交房啦....真唔捨得!

第一次黎既感覺係最好,下次就無咁多驚喜LU!


返渢竹食BUFFET,雖然係PACKAGE FREE既,
但食物一點都不差!有各類新鮮魚生壽司,粉麵點心各類食物甜品都有,
係無生蠔無蟹,食物質素都好好,好過尋日CITY OF DREAMS好多,
同HUBBY都食到3點半,超飽超飽,HUBBY起碼食左5,6 ROUNDS!
好耐未試過咁FULL,起碼肥3磅!


食完又行下,
重大發現!威尼斯人DUTY FREE竟然有URBAN DECAY櫃!
不過只得散裝無SET,所以都無入手呢!


寄存行季再行過,去左泳池曬太陽,勁哂啊!
曬左成兩個鐘,一路曬一路驚黑,不過曬太陽真係好舒服,
重訓著左,發左個好搞笑既夢,HUBBY都笑我。


入夜後又周圍行,今次去了16浦酒店,都幾靚!
最後行去3盞燈荷里活餐廳食扒,個度都好多名人介紹過,
其實大家都未落格,所以淨係叫左個1個招牌牛扒餐,
再配酥皮魚翅湯,食物就中規中距啦,服務較差,應該不會再來吧!
最後返酒店拎行季就去碼頭了!


兩日一夜的旅程亦就如完結。




今次旅程無影太多人像相,合照都是自拍,
跟大家分享兩張,




化淡妝大家認到我嗎?






後記:
這趟澳門之旅真是很開心,
第一次跟HUBBY去旅行,有得住酒店就算旅行架啦!


希望快點再有下次旅行機會啦!
大家要開始儲錢LU!下次要搭飛機架!


錫錫


2009年8月27日 星期四

澳門遊-序

今次旅程,特意走了很多民間小路,
其實,澳門也不是想像中華麗,
歌舞昇平,貴麗堂煌,
另一邊廂,
走著最平民不過的路線。







攝於澳門某一溜冰場。


跟HUBBY望著這塊場地,
同樣覺得:原來飛龍冰上樂園已很不錯。




題外話:那個商場廁所超超超超超臭!
衛生情況比香港公廁衰得多啊!




下回再介紹旅程上的所住所見吧!

2009年8月26日 星期三

給熊貓眼一杯醒眼espresso

早前參加由Garnier X BeautyExchange.com合作的試用計劃,
有幸得到最新推出的Garnier Brightening Eye Roll-On,
試用了一個星期,也是時候跟大家分享成果嚕!




Brightening Eye Roll-On,中文名為晶亮淨白亮眼筆











簡介及成份列表:







造型設計有別於一般眼霜,用家只需轉動走珠筆頭,
讓內裡的溶液包圍眼部肌膚,十分方便!


由於眼部肌膚特別簿,而走珠是硬身的,
所有使用時只需「輕輕」轉動按摩便可。




溶液質地較為水質,用後不會LUP,
不喜歡RICH質感眼霜的女生就更加適合。


無色無香精配方,
即使是敏感肌的我用上也沒有任何怪狀出現。



內含咖啡因精華,配上金屬走珠質地,按摩時份外感到清涼,
BABY會再用上無名指按摩眼袋位,加快溶液吸收,
這樣一涼一暖,促進血液循環,難怪每次用後都能消除眼部疲累。


至於其賣點:擊退黑眼圈及眼袋
BABY使用一個星期後,眼袋內確實有少許提升緊緻,黑眼圈也有輕微改善,
當然,要擊退所有問題並不是一朝一夕就能做到的事,
不過單憑「消除眼部疲累」已令BABY滿意,
每朝每晚醒一醒,確是很RELAX!


總括而言,BABY覺得這款晶亮淨白亮眼筆確是不錯,
除了該品牌價錢一向大眾化,設計新穎易用也滿適合懶人使用,
由於亮眼筆質地較為水質,保濕度一定會比眼霜弱,
所以想改善眼紋或乾性肌的就不太合用。
相反,要是純粹想護理眼部肌膚及清除眼部疲累,
BABY就會推薦你於夏天使用這款產品了!


2009年8月20日 星期四

AMY教室 ROUND1

終於正式辭工!
辭工後自覺後生了10年,每天可以睡足八小時,
有種很幸福的感覺唷!嘻嘻

這幾天忙著跟良月月們聯誼,
亦跟HUBBY去報名了超短線遊,
還正式註冊入學。

正式參觀校園,面積蠻大,
雖然還未摸熟,不過感覺比我想像中好,
希望今後兩年會有個愉快回憶吧。


記完生活雜談,
接下來就是分享上周六跟AMY學整CAKE的成果,
那天沒有帶相機,就只好分享製成品啦!





以下是帶給HUBBY的,還有一SET給家人吃呢!



分別是日式Cheese Cake, Butter Cookie, Marble Pound Cake




看賣相是不是很吸引呢?
其實不只賣相好,味道更好!





三樣之中,BABY最愛就是Marble Pound Cake,切開每件紋型也不一樣的!


有漩渦紋:



也有鬼畫符紋:


每件都好CUTE,蛋糕又鬆軟細密,YUMMYYUMMY!


男友和MAMMY也大讚好味,前者一天就K.O.,
後者不愛吃DESSERT,隔天也把CHESSE CAKE吃光了。



雖然名義上一齊整,但AMY根本是EXPERT,
工具又齊全,第一次咁PRO既打蛋器,
最後我地都係幫手做包工咋!嘻嘻


已經密謀ROUND2!THANKS AMY!!!




2009年8月17日 星期一

來自英國的禮包


原先想POST上周六在AMY家的製成品,
不過照片未到我手,就先發昨晚收到的禮包吧!

良朋阿四早前到英國實習,
當然厚著臉皮
托她買好物回來,
都是參考過往BLOGGERS的介紹,
先POST上全家幅:




由左而右:

1. Gosh Velvet Touch Eyeliner
自在港購買過色號Truly Brown就深深愛上了!
愛它筆頭軟滑兼易畫,效果持久不會暈開,
baby
之前用過平價koji,也用過bobbi brown eyeline gel,
效果還是Gosh Velvet Touch好。

英國價錢(~$50)比起屈記($88)便宜超過1/3,
今次入手了Metallic brass,是帶閃的暗黑色,
不過上眼後不察閃度,也算是基本入門色吧。



2. Base Formula
玫瑰花水及Aloe Vera and Rose Hydrating Gel
看過兩位完美肌bloggers(Joyce JJ及Arora)介紹B.F. 就完全生火了,
決定與數位姊妹於BF官網訂罐Aleo & Rose Gel分裝,
1L (
約$200) 最抵買,朋友形容「成碗河粉咁大」,
真係頭一次見咁大罐既MASK,什麼綠泥都要行埋一邊吧!



另外也買了200ML玫瑰花水(約$70),
第一次買花水,選了最愛的玫瑰,
聽JOYCE說適合敏感肌,單用作TONER和溝在面膜&面霜也可。



3. Rimmel London Lasting Finish Foundation
優點:便宜(約$80),16小時持久,遮瑕,適合各種膚質
相信看過兩位美人MichellePhan和咪喵的介紹後也不難心動,
baby
也趁著 Rimmel熱潮買了3支回來。

揀色號是一大煩惱,baby膚色是自然偏白面頰會泛紅

,
那就索性買了3種大路色,100 Ivory,200 Soft Beige,201 Classic Beige,
顏色比想像中深得多,即使今天只用100色也不會太死白,
還滿貼近本身膚色,那剩下兩支怎麼辦?!還是溝色再試清楚吧!



4.
最後一樣Boots Skin Therapy Aqueous Cream
其實也是blogger介紹,留待冬季乾燥甩皮使用再作分享啦
。





分享到這裡,
如有興趣不妨英遊時購買或者找JOYCEJJ及咪喵代購喇!


2009年8月12日 星期三

便宜BRA BRA - 6IXTY 8IGHT

最陣子實在太忙,
自MAC SMOOTH MERGE後已很久沒在theZtyle發POST,大家把我遺忘了嗎?


請再稍等一下,很快我又會回復狀態,
因為我快要辭職不幹嚕,想起快將開學和一堆玩樂真是令人興奮哦!


 


先發一個短POST,分享最近的戰利品!




話說BABY出糧後第一個念頭是換哂所有BRA BRA。
還未趕得切去新港PEACH JOHN朝聖,先到便宜巴店6IXTY 8IGHT。







*6IXTY 8IGHT

,68,不是指SIZE,而是指價錢,
因為最平的一個
BRA就只有$68,最貴也不過$98。

只要質料好,杯型夠貼,穿得夠挺,就是一個好
BRA,管它是MADE IN CHINA。


沒有在店舖拍照,但可以形容的是裝修設計很像
ROXY,
也有賣
T-SHIRT和短褲,可是它主打是BRA不是BIKINI。

 


胸圍以帶上的顏色圓牌分了好幾種,
BABY買了黃牌和粉紅牌,價錢$98@,內褲$28@。





款式是不是很少女?店內八成內衣都是粉紅色的,粉紅迷可以去逛逛喇!


以往BABY甚少購買有墊或很有厚度的內衣,感覺很不自然,
但是人大了,思想也變了,現在卻認為穿著有點厚度的巴巴才算是女人,
才會生起換掉所有內衣的念頭。


是次敗的3個BRA當中,BABY最喜歡就是這個,







上下有CHERRY吊飾的,可見扣子也造得不錯架!

厚度適中,




內裡又是波點的,




很可愛呢!

而這個是DEEP V款式,SALES說有推前效果,
可是我的SIZE太細吧,穿後也不見乳溝。


DETAILED位有心心扣








至於這個白底配淺粉紅心心LACE邊,有附加墊,穿上去特別舒服!






BABY對內衣有幾個要求:
♥剪裁夠貼,全部位置也要貼服的,像某些前扣款不貼肉,BABY就不會選擇;
♥穿起來夠挺和舒服,款式不是首要關鍵。
我覺得這三款6IXTY 8IGHT內衣也能達到BABY要求。

至於耐用度,從網上所見真是非常參次,
BABY也是剛購買,這個要留待發表嚕。
不過從價錢來說,我覺得是不錯選擇,就算不耐穿也不肉痛。


下一站要到PEACH JOHN喇~


(更正)
*
註:6IXTY 8IGHT原為法國內衣品牌,
但從網上找不到法國6IXTY 8IGHT與國內6IXTY 8IGHT的關係。


2009年8月9日 星期日

我要減肥!!

最近上載網誌的速度異常緩慢,
令每天上來的良朋和BLOG友失望了,
我想......
過完大日子後的時間會比較鬆動,
(大日子就在本周四,八月十三日。)
大家就稍等一下吧!



說回上星期,又過完很忙碌的生活。
一星期有七天,我和HUBBY就見了六天,
再這樣下去會不會生厭架?還是百看不厭呢?


HUBBY跟我說,我是他的金叵羅,他會一直當我是寶。
聽完當然甜在心頭,不過,男人的說話可信嗎? 哈哈
我只相信:行動是最好証明,愛我就請以後善待我吧!




看畢<竊聽風雲>,是本年度港產片的佳作,
3位男主角各有表現,沒誰搶誰的風頭。
結局有點心UP,也許是要通過國內的關口,
做錯事的人就注定會有懲罰,不過總比<無間道>國內結局好,
而且這樣的下場用作教化小孩也未嘗不是一件好事。



題外話,
自從SEM BREAK過後體重一直有升無減,
我想現已增磅超過五磅,好恐怖!!!!!!
所以我決定,減肥是我下一個目標,
首要就是買一個準確的電子磅警惕自己;
第二就是戒掉飯後甜品和零食,發記,再見了!
家裡還有兩大筒芝士波,HUBBY家也有無數雪糕和精記蛋卷,好難忍口><;
第三就是控制食量和做運動,上跳舞班會不會是適合的選擇?

歡迎各位提供有效的減肥方法。