2008年11月23日 星期日

11月敗家最終回→Sogo & i.t 篇

今晚同hubby去左行街街

地點係C.W BAY

第一站係*SOGO*

今日係周年慶最後一日啦 所以要好好把握
同HUBBY行左6層 雖然9成半都SALES
但都睇唔岩呢 .......
最後只在2/F 買左幾對絲襪~ 全部20% OFF



搵唔到BLOG友講既$2X對花紋絲襪, 我諗俾人買哂啦!!!

最後買左3對花紋 ...我覺得好靚架!!



分別係菱形細格仔直紋
前兩對折後$40@ 後者$47.2@ 
雖然唔算超平 但話哂MADE IN JAPAN 質量一定唔差!!


除左花紋 重買左四對淨色 (1盒2對)


影相唔覺, 真實係2對黑色 2對深啡
80針已經唔透肉架啦 同埋我唔鐘意咁厚 (另有110針 $88)
依幾對真係好抵啊!! 折完都係$28@
平過街邊貨 頭先試著質地好好!!! 日本貨果然唔同D
而且L-LL SIZE 夠哂長! (雖則我不高)
早知買多幾對啦 ......後悔中

行完就落左地層買零食啦 全場9折
買左少少就離開LU


第二站係*皇室堡16樓IT特賣場*
唔使排隊就入得 所有IT旗下牌子同某些代理日牌都有份
不過D款 ............=______=" HUBBY即頭望都唔望....
之後睇鞋 唔靚既!! 見得人既要$4999?? 要$2999??
有3折有5折都無用啦

同埋唔知點解 ....
每次去到特賣場見到個個係咁起勢巢 拎到一大袋
可能大家當去尋寶 但我每次見到這種場面 都會好反感
尤其係局外人(對D衫無興趣先變局外)就更加疑惑
究竟係減價刺激我地消費?定係減價逼緊我地消費?


空手離開特賣場後,
第三站去左*i.t*
因為我已經有target→EARTH MUSIC & ECOLOGY LACE-UP BOOTS
所以就要係it 買完野拎去回贈 (高呼:我是師奶~~~~~~~~)
不過在這種逼我消費的情況下, 原來係勁難買野!!!!!!!!!
尤其我習慣網購後, 明知it食水超深真係揀唔落手
最後睇左好耐揀左好耐 就買左幾樣飾物
因為有d係送俾人就唔post出來囉
而自己要既就係依兩條日牌心心鎖鍊

左:Ray Cassin雙層鏡子長頸鍊$199  右:Pageboy格子長頸鍊$299

原來兩條都係有閃石
各有各喜愛啦!!


離開it後, 當然下一站就係去EARTH MUSIC & ECOLOGY
買返個對LACE-UP BOOTS $1099




佢唔係皮黎咋!! 絨布質地
我最鐘意佢後面設計 有lace up同埋個尾有流蘇
行起黎流蘇會擺擺下嘛!!!
好得意

*有留意我blog既 應該記得我之前講過想買boots
但其實依對唔同我之前揀個對架
因為個對試著後覺得麻麻咋!
而且成$1700, 就算有回贈都要煩搵野買*


買完我既野就來到最後一站:*百老匯*
不過係陪hubby買相機
hubby星期2就要出席畢業禮
所以佢mammy話要買部DC去影個仔啊

最後買左CANON 870 IS

1來 digital 4,
2來功能多又易用
岩哂唔識影相既我地呢! hahaaa

買完相機就搭小巴離開啦
返去明記食牛腩 途中不停咁同hubby玩
我地好低能囉 但真係笑死我啦!!!


今日行到好累
但好開心hubby
肯陪左我成晚,
尤其大部份時間都係我睇 hubby等
老公~ 你真係好抵錫呢!!



今次係我11月份最後一次敗家啦
因為今個月已經買左好多野
有時間我會post下戰利品 oh~有d重寄緊黎
所以我決定左架啦 講得出就會做到
 


 


7 則留言:

  1. 對boots 唔錯喎! 大出血啦!
    [版主回覆11/24/2008 13:02:00]係啊! 所以今個月要忍手啦!!

    回覆刪除
  2. 一早預左大I.T o的所謂既sale 都唔會買到野, so 我冇去到~ issue 都係啦, 次次o的咩presale 都唔多sale...
    by the way, 呢o的消費既野, 邊有得迫丫, 咪比藉口自己駛錢啦. 唔係百佳割價喎, 只係時裝大減價, 咁樣點叫迫你消費...嘻嘻...你想買野就想買野啦...hahaha
    做乜買我部相機? 嘻~ 部相機真係好好用, 不過舊電唔多噤用....愛錫o的用囉...盡量避免未見紅就叉電~~
    [版主回覆11/24/2008 13:08:00]個職員話原裝電 影到150張 後備電就100張 其實部機點好法???

    回覆刪除
  3. 葵涌廣場都有間賣日本絲襪幾平架,以前我都買落好多,所以今次 Sogo Thankful Week 都冇買嚕~~
    [版主回覆11/24/2008 13:09:00]葵涌廣場離我太遠啦~~廿年都唔會去!! 我見SOGO咁平, 一年買一次 好抵!!

    回覆刪除
  4. 你男朋友真抵讚,難得會有男仔陪女朋友行足一日街
    p.s.我細佬都買左lee部wor,真係幾易用
    [版主回覆11/24/2008 13:10:00]係啊!! 我上星期已經約定佢架~~ 佢*有時*好抵錫架!!!

    回覆刪除
  5. 仲有一個星期就完11月啦...
    [版主回覆11/24/2008 15:27:00]你唔好踢爆我啦

    回覆刪除
  6. 有冇睇我去旅行時影既相? 全部都係呢部機影出黎. 我鍾意部機, 影得又快又定 (當然光線足夠 (日/夜) 抵下唔同閃燈果隻啦). 基本上, 噤低半下, 唔駛半秒就catch 到image, 噤埋果半下就影到, 我覺得幾好架喇.
    用過其他o的相機, 有o的要超過半秒先catch 到, 鍾意影相, 一定嫌慢~
    同埋我果粒電用左咁耐每次幾乎影一張, check一次相都影郅差唔多一百張. 你新買應該百五至二百都得, 我覺得...
    快o的影多o的相啦~
    [版主回覆11/24/2008 15:29:00]個快門咁正~~~~!!!! 合哂心水!! 部機唔係我架 係我hubby 但我地x'mas都會帶去影相架啦!! 你旅行d相邊度有得睇啊??

    回覆刪除
  7. 絲襪正呀

    [版主回覆11/25/2008 11:33:00]真係好抵啊! 你同我一樣咁夜訓~~~哈哈

    回覆刪除