送舊迎新❤第一對真皮靴入手❤

由季初講到季尾，一直都好想買對長BOOT，
無奈看極都唔岩心水，又或者價錢太高。


其實BABY要求都不是很高姐！
全黑色／貼腳／簡單長興款／$1000以下／真皮／高踭非斗零／圓頭
講講下，其實都幾多要求

，ANYWAY，奄尖的我今日終於都入到手啦！


登！登！登！

唔好意思，環境太暗，快門好慢搞到濛啊！不過大約都睇到正面是簡單款既。


其實DETAIL位係側面，

有真皮LACE同蝴蝶結，蝴蝶結可以拆下。


放大蝴蝶結：

 

夠光影得靚D，皮質好軟，全羊皮，一摸就知唔係PU皮。


鞋底有花紋；

 

 

 

都算高踭架，最高處計起都有7.5CM，一定要加鞋墊先行得舒服。


諗諗下，佢真係符合哂我所有要求，
價錢方面只係熟客價$750，以全真皮的長靴來說真的算抵啦！
其實這對跟之前黑白LACE蝴蝶結鞋購至同一商店呢！

我覺得這間鋪頭真係不錯，在旺角新之城123鋪，誠意介紹！
不過留意他們的鞋碼有偏差，一定要試清楚呢。



BABY家中面積小不能囤靴太多，所以又要清清佢啦，

清理目標是兩年前於日本樂天PROMPROMSHOP網購的LACE UP BOOT（PU皮），

講真，我真係好鐘意佢架！
重好記得第一次著出來男友都讚好睇，男人好少留意依D野架MA！

當時真係無咩地方賣高踭LACE UP BOOT，
兩年後的今天每間鞋店都總有對LACE UP長靴嚕。

真懷念日元低的時刻，當時特價只需要$5000日元，不過連埋郵資跟代購費都差不多HK$800。

上年PROMPROMSHOP重有賣，不過加到$7XXX日元，
今年直頭無影，應該不會再出了。


其實再出的話，我都想買多對，
因為這對LACE UP著得腳型好修，想貼些又可以綁緊些。

可惜經我兩年穿著後，

腳跟位的PU皮已經開始甩喇，其實有無得補救呢？


也許它要光榮退休了。