又來到第二天LU，訓到好晏先起身，抖足精神再出發！
DRESS UP SNAP*
條裙只係$59, 不過買完覺得腰位太高 著得怪怪
今天的行程：市政府站→故官博物館(上)→士林夜市
搭兩個站就到市政府，首先就去台北探索館，
位於政府大樓裡面，
每層窗口都有不少盆栽植物，感覺好綠化呢！
講返台北探索館，免入場費、分兩層，主要講台北發展，
裡面都幾多野睇架，遊戲又INTERACTIVE，好得意！
其中一部機可以求籤，
我求到上上籤啊！YEAH~~~~~
連HUBBY都求到上上籤！不過佢話裡面一定全部上籤喎！(E~ TUM下人都唔得!! )
睇完就去新光三越買手信同行街啦！
台北真係好多三越同SOGO，單是市政府站的新光三越都有四間，
我地去左A9 填肚，試下地道午飯先，
我的：
米粉同菜都好味道，因為醬汁正，煮既都變得好味。
豬紅湯超一般，加胡椒粉應該好味好多。
愛人的：
台北好多蚵仔小吃，這個蚵仔煎有少少似蠔餅，不過佢係濕口些，
夜市的比較煎得乾身，不過我同HUBBY都覺得香港蠔餅係好味D。
魯肉飯一定易入口，魚丸湯好好飲，比我豬紅湯好得多了！
在三越美食廣場食野好平，平均都係$3x，野飲又平，
比起香港大食代抵好多，同埋少人環境又舒服，地方大連張枱都闊落好多。
之後就去A4館同A8館買手信，
HUBBY買了香芋糕(定係香芋果凍??)俾他MAMMY，
HUBBY重留意到有臘筆小新很常吃的零食，
唔係餅乾．而係一條條甜味麥芽條似的，（我好無記性....連名都講唔出！）
不過原來唔好食既！
我就當然少不了買雞蛋布丁啦！
勁好味！凍吃一流！不過要留意，只可以存放五日咋！
帶返香港最好臨走買，忠孝復興亦有專門店呢！
一人一包江記華隆豬肉紙，
一塊塊米色的杏仁片，但味道不濃，
不愛杏仁味的我都大呼好吃，薄薄一片好脆口呢！
HUBBY買了油膏給我媽媽，
MAMMY事前叫我一定要買支油膏，因為上年她在高雄買過，
滾菜後點些油膏係勁好味道架，當然亦有好多用途，
佢質地類似蠔油，但味道完全唔同，因為我絕不食蠔油，但油膏就好OK。
油膏有平有貴，最平幾十，最貴幾百，這枝都算中位價錢，
因為佢都算有牌子高濃度不含防腐劑，
同埋油膏係台灣都係國貨，買支靚既都接受到，最後當然多謝HUBBY。
買完手信就搭車去士林站，轉巴士去故宮博物院，
不過我地太遲了，去到已經唔俾入，
最好笑係華航送俾我地既門票已經過期，都唔知送黎做咩！><！
雖然我第一次去台灣時已經睇過小白菜，
不過HUBBY話故宮必入，因為佢打HEAT PROJECT成日係個度守城架！
HAHA，好啦～後日我地再去過，不過都有影定相先！
HUBBY就係守係到啦！
HUBBY諗起打機心情大好
重同我影左好多相，好開心呢！
拍三連拍，我地扮守城，
最後一張勁好笑，第一次見HUBBY笑得咁燦爛啊！
其實平時我地就係低低BB，咁先夠開心嘛！
影到孔子的咀咀。
YEAH~~
影完相就去士林夜市啦！
食食食，因為食野唔方便影相，用文字介紹：（純個人感受，不喜勿插）
烤豬肉菜卷：
NT$10一粒，好平，但裡面全是蔥段，蔥粒我都食姐，
成堆蔥真係好麻麻，有外國人買完幾粒又幾粒，
我誠意推薦佢黎香港食金菇肥牛卷，包你一試難忘！
豪大大雞排：
雖然聽過無數人話難食，但真係港人必食，
唔試唔知，試完就知真係好難食！
雞皮勁粉，皮同肉係分開，唯一可取係平，$50有兩塊面咁大既雞扒，
夫復何求？
麻辣臭豆腐：
登登登登～台北之行難食榜第一位，無物夠及，怪豆腐加怪湯，
勝在有個位坐下俾我食埋塊雞扒。
大腸包小腸：
有諗頭，出面係糯米，入面係台灣香腸，味道普通，食完好飽。
糖炒粟子：
同香港差不多，不過加了冰糖，味道較甜。
愛玉冰：
好好飲，買了兩杯，珍珠愛玉冰及檸檬愛玉冰，
後者好飲好多，愛玉本身係無味，像JELLY，口感好好，甜飲好味道。
士多啤梨冰糖胡蘆：
我同HUBBY純粹為左幾粒士多啤梨而買，HAHA。
食飽飽都好早，我就提議去美麗華坐摩天輪，
HUBBY竟然都話好，就去搭SHUTTLE BUS，
點知一上車，無位坐兼架車備震奇差，
10分鐘裡面我同HUBBY不停震，場面好搞笑。
去到美麗華，比我想像中大同靚呢！
學生飛坐摩天輪，
嗚～～～我竟然唔記得影摩天輪！太心急啦！
無等透明箱，坐普通箱，
摩天輪上得好慢好慢呢！
望落去都幾浪漫啊～
因為同你嘛～
YEAH！
玩完摩天輪就落下層誠品打書釘，
11點就回到SWIIO LU，要早些休息，明早去九份LU~~~~
謝謝收看，下回續。
沒有留言:
張貼留言