台北甜蜜蜜DAY3:九份→金瓜石→西門町

去旅行日子特別快，話咁快就來到旅程第三天了！


DAY3的行程：九份→金瓜石→西門町



今日好早就起身了，望出街都落緊雨，睇電視亦講只得12-14度，
不過唔理咁多啦，今日點都要去九份的。

約11點就搭捷運去忠孝復興，
因為太早關係很多鋪頭都未開，就選了在阿宗麵線吃早餐，

雖然香港大把阿土麵線，但我地都係第一次食咋！

點了一大一細，重有杯百香果綠茶，勁濃味，重有百香果肉架！
計返HKD都係$5,6杯，好抵！



其實西門町都有間，不過忠孝復興分店有位坐，又有電視睇，

地方好闊落呢！


食飽飽就行去巴士站，直接搭金瓜石公車(即巴士)去九份LU。

搭火車要在瑞芳轉車，班次又少，非繁忙時間個幾鐘頭先一班，
所以我地都揀巴士直達。


去到九份都是行老街，因為落雨無心情影相，
都係行下買野，同埋食野啦～



記得初次來台時，我最愛台北的地方就是九份，
我覺得那處很有特色，東西賣得平，又特別有人情味，
有機會真想試試住在九份的民宿呢！



買了片茶3大包，一塊片糖就可沖一大杯，
我買了薑茶、牛旁茶，對身體都是好的。


店主人很好，臨走又給了一大杯我們驅寒。





去了找賴阿婆，

人人口味不同，我堅覺得難食，食了少少就俾HUBBY了。





去了石頭貓買手信，

樓上是CAFE，落地玻璃可以盡看九份景色。

又大雨啦，無心機行，又去了吃魚丸湯。

這間叫魚丸伯仔，算是很有歷史，

有7粒(一粒HUBBY食緊)，都只係賣幾粒咋！


佢同潮州魚蛋好唔同，前者是粉，後者魚肉多、有彈性的，
都是看你喜歡哪種。



我就買埋茶葉和原隻八仙果俾公公婆婆，老人家最愛收這些手信吧。
HUBBY就買了



再搭返金瓜石公車去金瓜石了。
（原定想去十份，好彩出發前留意到十份瀑布罷開。）



撞岩咩咩響應活動，黃金博物館都一律免入場費。

以前是日本人住的，所以好有日本味道呢！


可以入裡面參觀

再行，沿路風景真係好靚，好浪漫，
可惜係落雨又大風，無得影相。





看黃金，

HUBBY話依舊一定係野假。




再行有橋有瀑布，真係好靚啊！



落雨都忍唔到影左幾張：

我成件外套都濕哂，真係太大雨加大風啦！＞＜

有機會一定要再黎！




離開後又搭返公車轉捷運去西門，
先搵一間台灣人介紹的牛肉麵－老王記牛肉麵

 

桃源街好多野食，都係做本地人生意，旅遊書都好少介紹！

老王記牛肉麵是我整個行程中食肆的強力推薦，
無論麵質、湯底、牛肉都是一百個好味，好味到我現在想想都流口水！



老王記牛肉麵有兩層，擠滿哂台北人，
店鋪除了賣牛肉麵就只有幾款美食，我們選的紅燒牛肉麵大大碗，
都不過NT $150，雖然我未食過什麼星級牛肉麵，
但這間是相當不錯，台北行中我和HUBBY選的NO.1美食。


因為這間比較少人知，我就POST埋地址吧，
老王記牛肉麵－台北市桃源街15號，
記住係15號，因門口是無名牌的，
詳細位置自行找奇摩啦。


開店時間是朝十至晚九，想在那裡食宵夜就特別留意啦！





食完好味牛肉麵重好肚餓，
因為我同HUBBY係SHARE一碗食，留肚食其他。



買了繼光香香雞，細包都已經夠，
好香好脆，好味過士林雞扒多多聲！



去了吃鴨肉扁，伙計真係識做，為我們點了最大份量的@@

四分一的鵝，還配了兩碗米粉。

這間鴨肉扁幾乎每家旅遊書必推介的，
我覺得鴨肉味道是好吃的，但質地偏"UN"，林些會更好。

HUBBY就話好味過香港打冷。




食飽就輪到我要行街街，買美妝品啦！嘻嘻
在美麗泰及小屈替朋友及自己買了好幾樣，又買了些手信之類，
睇美妝品就最精神，難為HUBBY等了又等，呵呵。




行到11點HUBBY忍唔住要走，我都買夠了，
臨走前HUBBY話要去COLD STONE食炒雪糕，

炒雪糕不是指落鍋炒，只是在板上把雪糕混和生果配料。

張相食食下HUBBY提我先記得影，比較核突，
雪糕好重奶味，亦較甜，不過真係幾好味！




HUBBY倒杯水俾我飲，在香港應是普通閒事，
但我聽到隔離台幾個台妹不斷讚HUBBY溫柔又細心，
嘻～那刻我無話埋HUBBY聽，費事佢自大，不過聽到我都飄飄然。




食完雪糕一抽二袋回SWIIO LU。




感謝繼續收看，續。