這是我第一次自由行，也是第一次跟男友去旅行，
為著這次的感動，就讓我用文字跟圖片一一去紀錄吧！
DAY1：SWIIO→台北車站→永康街→饒河街夜市
雖然搭11:30機，但原來都要好早起身，個樣勁腫
都已經係第三次去台北啦，依然十個興奮，
大概是因為整個行程都由自己一手一腳砌出來吧。
天空上的午餐：
味道跟賣相已比我想像中好得多。
落機三件事：
1. 買電話卡
香港打漫遊好貴，亦唔方便我地跟台灣酒店聯絡，
同埋機場買的可以即時用，NT$300送$50，跟HUBBY去10日都夠打。
2. 申請旅青卡
鎖匙扣就是旅青卡，係好多博物館、文化館都有得平，
例如故官、袖珍館、101，甚至美麗華摩天輪及六福村也有呢！
15至30歲青年不妨申請唷。
3.機場巴士
台北跟香港好唔同，佢有好多巴士公司，
我們搭飛狗，都係貪佢少中途站，又可以去忠孝復興站。
經過1小時車程，我們就在忠孝復興站下車LU，
之後買張悠遊卡，類似香港八達通，搭車方便捷運又有折，一定要買啊！
去到後山埤站LU，原來離SWIIO超近！超好！
訂唔到中房要細房，
麻雀雖小，但五臟俱全，其實最重要係乾淨同方便。
之後就去台北車站LU，先找期待之久的六福。
勁難搵啊！
我還以為像香港的龍城，原來裡面係好細，而且貨品好像舊舊的，空手就走LU。
之後就到統一元氣館，先去台灣故事館
裡面唔俾影相架！不過入去見到三個香港女仔不停影又大聲講野 =3=
裡面其實唔太吸引，不過套票會有NT$150 買野，都買左少少手信
之後HUBBY就上去3/F睇GUNDAM，
我就落2/F大創專門店逛逛。
接著去後面的光南大批發，
裡面咩都有得買，直頭雜貨店咁。
落返去搭車，好好彩俾我地見到咖啡包，
真係好味道！咖啡味同裡面奶黃味好香，好好食呢！
晚上去了永康街，因為HUBBY臨時想食鼎泰豐，
點了三樣
蟹粉小籠包，比普通小籠包貴得多，但HUBBY話旅行就無所謂啦，
不過真係好味，皮簿蟹粉同肉比例剛好。
糯米燒賣，唔好食！食剩一半，店員建議我們拿走，
可惜最終都係掉左。
雞湯勁濃味，好好飲，HUBBY大讚！
不過湯煲咁耐，雞都變鞋，依個要扣分。
HUBBY勁滿足呢！
埋單都要二百幾，聽說香港價更高。
鼎泰豐充滿濃厚商業味，不是HUBBY想食我都未必去，
不是說不好味，只是去旅行吃到民間小食才有意義。
之後就返SWIIO，搭TAXI到饒河街夜市，
司機好好人，又提我地留意夜D要加錢。
食好多！胡椒餅、蚵仔麵線、藥煲排骨、杏仁茶等等，
應該算是胡椒餅最好味，杏仁茶好濃，其他都一般，純粹我們意見。
台灣飲品真係好濃味，
買左杯蘋果多多都會放兩支益力多，在香港最多半枝溝水。
搭返TAXI返SWIIO，點知司機勁繞路！
本身都算數，但一條直路行勁耐都未到，重係咁扮野，重想繼續繞！
最後忍唔住同佢理論，原來激氣上黎1分普通話都會變流利，
個刻覺得自己好勇，好彩HUBBY亦醒目無俾晚上附加費佢。
是日行程就此完結，請繼續收看！
沒有留言:
張貼留言