BABY肌，大概是每個女生的終極美肌目標。
無論上妝落妝，大抵都只是想變做一個BABY。
無奈我的皮膚本質是偏乾性，加上天氣反常乾燥加劇，
平日上粉後不但不貼服，就算4-STEPS過後咀邊已開始甩皮。
最近我發現兩個開架法寶，
不單價錢便宜，效用更跟專櫃品牌有得揮，
試清楚後第一時間就想介紹給大家了！
第一樣出場法寶是：
*heme玫瑰超水感特效保濕凝乳*
大家對heme可能有點陌生，其實她是一個為年輕男女美膚的台灣專業品牌，
旗下有五條系列品牌，上面那個就屬於heme聰明保養的玫瑰超水感系列。
玫瑰超水感系列用上了baby pink的包裝，主打給你baby肌！
係咪口講無憑看成份表就一目了然，
雖然唔係每種都聽過，不過所有主要成份都係好野黎！
尤其態果素已被美白大王牛爾推薦過好多次，美白真係work；
玻尿酸的保濕功能亦無能置疑；
還有玫瑰精油，令產品有種天然的玫瑰香味，淡淡的不假作呢！
產品本身是白色凝膠狀，有蓋亦有小匙，
baby每次使用後都會洗一洗抹乾小匙，這樣會比較衛生唷！
稱為「全面保濕凝乳」一點都無錯，因為它實在太多功能喇。
可以早晚step3使用，保濕面膜又得，做base亦得，得左！
使用方法亦好簡單，大家看圖吧：
經我使用過多月後，
baby覺得用作妝前打底確實不錯，上妝後真的貼多了！
之前跟YANYAN她們玩妝拍照，我也是以它作打底，
效果真係唔錯架！
看它好水，其實晚上作保濕亦一樣好WORK，
濛糊的素顏皮膚當然好，
皮膚好，就算清晰的素顏都無有怕！
令我整晚都KEEP住水潤，愛死。
baby強力推薦！！！
售價只係$89/40ml，平到笑，大家快去萬寧掃啦！
btw, heme的代言人是s.h.e.，為了提高在港知名度，
至2月底前買任何「heme」產品，即有機會贏取S.H.E. 精美禮品 。
詳情請看＞http://www.heme.com.tw/＜。
除了heme，還有另一打造baby肌的保濕法寶，
就是早前ZTYLE也有試用活動過的GARNIER AQUA DEFENSE。
最初BABY以為跟heme一樣是凝乳，
其實AQUA DEFENSE是gel狀的保濕精華。
望落好水好潤，跟heme一樣都是萬能gel。
不過我的用法就有點不同，
始終GARNIER是精華，水份子會比較細，
保濕的深度效果一定會更好。
不知大家有否發覺洗澡後面部肌膚變得乾巴巴，
原因是我們沖涼的水溫實在太高，毛孔張開之餘皮膚的水份都一下子被抽出來，
所以人家說「凍水沖涼皮膚好」是沒錯架！
不過．．．
在現在極度寒冷的天氣，就算洗手都要開暖水啦，更莫過於沖涼，
所以baby在洗澡前會先卸下妝，再敷上GARNIER AQUA DEFENSE，
baby實在太懶啦，不像大佬B般會左溝右溝，
其實單敷效果一樣好，尤其遇熱後毛孔放大，
AQUA DEFENSE的保濕因子都全被吸收了！
就算用熱水沖涼都不再怕呢！
不過記緊，
最後抹淨肌膚也不要用過熱水，不然之前的保濕效果又浪費啦！
有了水潤的BABY肌，
無論是素顏，還是開勁FLASH，
影相都不用再怕喇。
可是無論皮膚再好，
我的小寶貝還是不肯跟我合照，
真係咁難為您咩？
LILY，您唔好扮野啦！
點解天氣咁冷，您還是無時無刻伸出舌頭呢？
錫哂您！
BABY和LILY祝各位BLOGGERS青春常駐，
年年搵多D變靚D，最緊要身體強壯，樂觀開心每一天！
沒有留言:
張貼留言