2009年5月11日 星期一

粉紅風暴(下):美肌相機 Casio EX-Z250「粉紅寶貝」

各位久違了! 

在介紹「近期至愛」之前,就先發3張照片給大家:



大家有被哪個我率先吸引嗎? (還是3個也嚇壞大家?
)

哈哈~這3個「我」確實有差啦

原因是什麼呢?













就是這部已舊款卻相當實用- Casio EX-Z250「粉紅寶貝」了!




沒錯~baby終於都買了新相機,以後就可以拍多點妝容跟大家分享啦!
雖然這部相機已推出了一段時間,型號功能也不是最新,
可是我覺得現一代的數碼相機已做得很好,就算新出也差別不大,
而且baby慣用傻瓜機,就算略懂那些ISO、AF、EV,
就不如用AUTO功能算了。


這部「粉紅寶貝」最大特色就是新增了美肌功能
剛才的3張照片就是在美肌設定值動了手腳呢!



為著減少大家驚慌,baby還是將照片先苦後甜送給大家














woo~~~~看到有差嗎????是差別超大啊!
這些照片我全都沒有後期電腦加工,只是cut圖加了圖章
相對之下,原先的皮膚都變得很醜

(其實baby最大的問題不是毛孔雀斑,而是泛紅和下巴暗瘡印。)

雖然全有12度美肌,但我覺得6度美肌最完美,3度美肌最自然
不過偶爾騙一下自己就好了,平時拍照還是選用普通模式或是低度美肌,
否則一下子變得太好皮膚,我怕人家認不到我呢!
 (謎之音:是值得高興的事嗎?><)





其實是次購買「粉紅寶貝」真是有賺了!
眼見她由上年$3XXX跌至$2380,正當我向店員詢問時,
他竟然還說今天能夠給我優惠,變成了$1980!
我都要學Cindy講返句:「這次真是good敗呢!」

20 則留言:

  1. ooooh!!! 部相機太有趣好好玩=] 其實3張相都拍得你好好睇呀~ 但好似正常照比3度美肌好一點自然一點(可能係我個mon的問題) 6度美肌... 影得好似廣告雜誌咁超級完美無瑕呀!!! 真係有d想像唔到12度美肌會變成點... 哈哈
    [版主回覆05/12/2009 01:15:00]係啊?! 我成日覺得自己個mon係高清mon, 出哂d瑕疵出黎 係我mon睇, 正常照真係好唔掂, 我本身諗住1-12度都影哂出黎, 但趕住出門口 我影完6度就跳去12度, 好假架!!!!!! 超柔化咁 下次再影俾你地睇!

    回覆刪除
  2. 嘩~~~~呢部真係好正!!!!!!>0< 但講真~~~我覺得你個張3度同正常冇咩分別呀~都是很美~~~(你本身皮膚已經冇問題啦~~~~)
    6度美肌真係...燒到了... 你係邊度買$1980呀~~~??? 係咪美女先有既優惠~?? 我相信12度會影貼紙相咁!
    [版主回覆05/12/2009 01:12:00]唔係架, 你細心d望望, 3度已經遮了點紅印同下巴印 不過3度可以用黎厄人 6度就太完美啦!!! 12度變埋假人tim啊!!!! 我係豐記買架! 其實我都唔知係咪佢私人醒discount 因為我知個價錢牌重係$2380, 不過可能係岩岩做promote, 你行過望望啊! $1980真係好抵玩啊!!!!

    回覆刪除
  3. 呢部機又真係幾有趣喎! $2xxx, 幾抵呀! 我都想換相機, 但未有心水....
    [版主回覆05/12/2009 14:45:00]係$1980咋! 真係好抵 其實我對DC唔係太高要求 傻瓜機都OK架啦

    回覆刪除
  4. 你一向都唔差~~ 不過,呢個功能又幾好玩bor!!
    [版主回覆05/12/2009 14:45:00]係啊!! 望到自己變得咁完美都開心左一陣

    回覆刪除
  5. 期待你之後的妝文呀 ~!!!!!!!!!!!!!!!!!!!!!!!!!!!!!  
    [版主回覆05/12/2009 14:46:00]可能會令你失望啊! 因為我化妝真係麻麻, 尋日帶假9帶到好激氣 你平時影妝文係咪開FLASH影架???

    回覆刪除
  6. 我係開 for 影人既 mode, 之後花仔, 多數都係閃光燈 你有食色問題 ? 我都有咖 , 會淺色左
    [版主回覆05/12/2009 22:53:00]等我聽日試下先! 我依幾張用左普通mode咋! 淡色左, 但都接受到 之後係食哂色無心機影

    回覆刪除
  7. oh~~~~又好似係bor~~~~~ 不過呢...我有d想睇埋12度~~~唔知係點既呢~~~~ 原來係fung記買~~~~hahahaaa~~~ 等我去望下先~~~thx你呢個咁重要既情報~~~
    [版主回覆05/12/2009 22:53:00]12度好假架!! 變左假公仔啊~ 下次影俾你地睇! 你經過都去睇下啊 應該未買完的

    回覆刪除
  8. 原本都唔差呀~3度比較好看呀,12度應該會很假吧
    [版主回覆05/12/2009 22:54:00]係啊!3度最自然, 6度是完美, 12度就變了假人嚕

    回覆刪除
  9. 哇~ 6度美肌正到呢 我要睇埋12度美肌效果!!!
    [版主回覆05/12/2009 22:55:00]下次影俾你睇啊! 我尋日已經入左錢俾你, 唔記得同你講tim! 我等陣e-mail俾你啊

    回覆刪除
  10. 我都睇中左superrrrrrrrrrrr耐啦''
    當我想買時又出Z300..依家好似而經有Z400?
    真係好多功能..
    可惜部sony買時太貴..不捨得咁快換呀'
     
    [版主回覆05/12/2009 22:56:00]係啊! 已經出到Z400, 但其實CASIO其他新型號都有美肌功能了! 依部又平又正~唔買都對唔住自己, 我上一部DC係我F.3個陣買, 數數手指都已經6年了

    回覆刪除
  11. $1980??? 超級抵敗啦~!!! 
    好吸引呀 , 有美肌功能既相機......一定好好ja!~ 快d影多d靚相比我地睇啦!
    我都想轉左我部肥仔canon呀.........
    [版主回覆05/12/2009 22:57:00]好啊好啊!!! 下次再影俾你地睇! CANON D機真係肥仔D, 我個部好輕架! 不過我諗CANON質素點都好過CASIO呢!

    回覆刪除
  12. 我想即刻仆去買啊
    [版主回覆05/12/2009 22:58:00]唔使咁急!!!! 我諗佢地重未賣哂架! 到時你睇下係咪$1980, 因為我都唔知係個SALES醒DISCOUNT還是真的做特價呢?

    回覆刪除
  13. 不知點改,我都覺正常照比3度美肌的效果靚D哦.
    不過6度美肌真係沒有瑕疵哦...
    但我真係中意你的正常照多D.....因為都好靚.....而且完全都睇唔到你所講的印呀...泛紅呀...^^
    我覺得你的眼妝好正,看到個色但又好清....好靚哦
    [版主回覆05/13/2009 01:34:00]其實我在自己電腦看真的很顯印 這次的眼妝比較顯色啦, 不過我用來用去都係都幾招 化不到TATA的SMOKY和咪喵娃娃那種, 搵日真係要俾TATA試下啦! ^^ 多謝你啊!!

    回覆刪除
  14. 真係好正wor!! 不過你d skin不嬲都唔差丫^^
    [版主回覆05/13/2009 01:42:00]謝謝你啊! HAHAA 不過我想變成真正的6度美人啊!! 哈哈 (發夢中 )

    回覆刪除
  15. 真的很神奇!! 不用學photoshop喇 XD
    6度美肌真的好像廣告的Model喔! 又白又滑
    [版主回覆05/14/2009 15:05:00]你說得不錯啊! 所以科技進步真是令人感嘆! 平平無奇的女生也能成為6度美人呢!

    回覆刪除
  16. 這就是我的善良相機 too!!! 我的是舊款了.....但好好用...美肌是其次...重點係佢攞啲色好靚...唔駛煩white balance.....影眼妝啲色最得.
    [版主回覆05/14/2009 15:08:00]其實我這部也是舊款, 型號:EX-Z250,所以先賣得咁平 「善良相機」依個名好得,昨天我拍眼妝真是超清楚啊! 之前既都會食哂色, 我剛更新了文, 得閒俾D意見我啊~我化眼妝重係初學! 要靠你地指點啦!

    回覆刪除
  17. 嘩嘩嘩~~~~本身你d皮膚都已經好好,加埋個美肌功能....靚爆鏡咯~~哈哈!
    [版主回覆05/14/2009 15:09:00]全靠相機咋!! 昨天皮膚又敏感起來~一點都不美了><

    回覆刪除
  18. I am thinking of buying the camera actually - I only have a few hours to decide because my husband, who is about to leave HK for good, is going to get it for me at Fortress if I intend to buy. Your last photo really does show a difference though....hence I am tempted. Very pretty makeup and face of course!!!
    [版主回覆05/17/2009 00:23:00]Thank you. I think this DC is very user-friendly. Becoz of its various mode, it is easy to take a good photo, especially to take  my make up photo. Its color is accurate. Most importantly, its price is so nice! JUST $1980 becoz this camera have launched for few months. I think it is a very good choice.

    回覆刪除
  19. my husband got it for me today - it's black though. I am so excited. Thanks for letting us know about this camera.
    [版主回覆05/18/2009 14:11:00]YEAH! So u can post more beautiful photos to us lu!

    回覆刪除
  20. Simply Love Homemade Dessert2009年6月10日 下午6:30

    6度....好勁~~~好靚啊~
    不過我之前用過casio機...但質數真係比canon差好遠...
    不過1980元真抵玩..~
    [版主回覆06/11/2009 13:16:00]依家casio既機真係唔錯架! canon都好, 但如果係入門相機既話得好少野揀, 全部都auto哂~ 6度可以拎去拍廣告啦! 厄得人

    回覆刪除